26ª Semana Tempu Komun: Segunda-feira, 30, fulan Setembro, 2024, September 30, 2024
Reflection on the WORD
Maluk sira mak Kristu hadomi,
“Humildade - Fiar”:Iha evangelho loron ohin nian, Jesus hakuak labarik ida no haklaken nune’e, ema se de’it mak simu labarik ida hodi ha’u nia naran, nia simu ha’u. Nia hatutan, “ida ne’ebé mak ikus liu iha imi le’et, nia mak ida ne’ebé bo’ot liu hotu-hotu.” Reflte; atu sai ‘ema bo’ot’, Jesus espera husi ita atu respeitu nia, hadomi ema seluk; liu-liu, sira ne’ebé fraku, inosenti, no la iha esperansa, hanesan labarik ida; inklui mós ema ki’ak no marginalizadu sira iha mundo.”
Se mak boot liu
46Tuir mai sira hahu haksesuk malu kona ba se mak boot liu iha sira le’et. 47Hatene tiha sira nia hanoin, Jesus kaer labarik ida, tau nia iha Nia sorin, 48hodi dehan ba sira: “Ema nebe simu labarik ne’e iha Ha’u nia naran, simu Ha’u; no ema nebe simu Ha’u, nia simu Ida nebe haruka Ha’u mai. Basa ida nebe kiik liu iha imi nia le’et, nia mak boot liu.”
49Joao hatan dehan: “Mestre, ami hare ema ida nebe duni sai diabu iha Ita nia naran maibe ami bandu nia, basa nia la tuir Ita.” 50Maibe, Jesus hateten ba nia: “Imi keta bandu nia, basa ema nebe la hasouru imi, nia hamutuk ho imi.”
Today's Pointers on God's Word
As you read the passage what words, phases or meanings caught your attention?
- Bai-bain tiha ona ba ema balu, incluí mós sira ne’ebé serbí Maromak iha Igreja, hodi buka rekoñesimentu, poder no pozisaun.
- Jesus hili labarik ne’ebé la iha pozisaun hosi ema bo’ot sira hodi tur iha nia sorin. Hafoin Nia explica ba sira oinsa mak ita tenki iha atitude ida hanesan ho labarik sira, sai haraik-an no serbí sira ne’ebé mak presiza tulun liu-liu ema kiak, ema hanehan no laran-susar.
- Mai ita reza husu ba Maromak grasa sira hodi ultrapassa ita nia foti-na sira, dezeju sira, buka glória ba-an de’it, hodi nune’e ita nia moris bele konfigura-an ho Kristu nia hanorin sira no ita nia serbisu sira hetan motivasaun ba Na’i nia glória ne’ebé sei sai bo’ot liu tan. Ko’alia ba Maromak ho ita nia fuan.