25ª Semana Tempu Komun: Kuarta-feira, 25, fulan Setembro, 2024, September 25, 2024
Reflection on the WORD
Maluk sira mak Kristu hadomi,
“Apostolu sira nia vokasaun”: Iha evangelho loron ohin nian, Jesus bolu no fó missaun ba Nia apóstolu sira hodi haklaken Maromak nia liafuan diak ba ema hotu-hotu. Reflete; “Apóstolu sira mak hetan “konvite” - nu’udar bensaun especial ida; “haruka ba” ho responsabilidade bo’ot atu serbisu; “fó kbi’it” atu hanorin no halo milagre; “saran-an”- atu iha konfiansa tomak iha de’it Maromak nia providênsia iha sira nia missaun. Oinsa mak ita sai sasin moris ba ita nia fiar?”
Lk 9:1-6
Jesus haruka apostolu sira
1Jesus bolu sira na’in sanulu resin rua besik Nia, hodi fo kbiit ba sira atu duni sai diabu sira no fo isin diak ba ema moras sira. 2Nia haruka sira atu haklaken Maromak nia reinu, no mos atu fo isin diak ba ema moras sira. 3Nia dehan ba sira: “Keta lori tuir dalan ai tonka ka kohe, paun ka osan ka hatais tahan rua. 4Iha uma naran deit nebe imi tama, hela iha neba to’o tempu nebe imi atu sai. 5Kona ba sira nebe la simu imi, wainhira imi husik fatin neba, liki rai rahun housi imi nia ain nudar sinal hasouru sira.” 6Nune’e sira sai hodi la’o housi knua ida ba knua sira seluk, hodi haklaken evangeliu no fo isin diak ba ema moras sira iha fatin hotu.
Today's Pointers on God's Word
As you read the passage what words, phases or meanings caught your attention?
- Iha evangelho loron ohin nian deskreve Jesus haruka ba iha missaun ninia discípulo sanulu resin rua hodi kontinua nia misaun hodi haklaken Maromak nia Reinu, duni sai demôniu sira no kura ema moras sira.
- Atu bele hatama-an metin hodi serbí iha missaun, Jesus fó instrusaun haruka apóstulo sira ‘la lori buat ida iha sira nia dalan’. Ida ne’e ezize atu hamamuk-an hosi dejezu ba sasan mundo nian, konfortu sira iha moris nian no konfiansa total ba iha Maromak.
- Iha ema balu, buat-balu, ka situasaun ruma karik ne’ebé mak satan-netik ka disturba ita hosi moris tuir valores evangelho Jesus nian iha ita nia moris loron-loron nian? hanoin kona-bá ida ne’e no koko atu senti buat sa mak Espíritu sadik ita atu husik no hamamuk ita nia-an?