DGEMs

Maluk sira mak Kristu hadomi,

“Jesus - evangelho nian”- Fiar: iha evangelho loron ohin nian, Jesus proklama evangelho ne’ebé radikal no oferese salvasaun moris-rohan-la’ek. Nia mós hatudu dalan sira nu’udar Nia rasik Moris ona nu’udar Maksoin. Reflete; “ita mós hakarak tebes atu ‘hadomi ita nia inimigo sira’; halo buat diak ba sira ne’ebé ódiu ita; fahe buat ne’ebé ita iha...la julga, la kondena hanesan mós ho Jesus? Se ita halo duni nune’e Maromak sei rekompensa ita ho abundansia.”

Hadomi funubalun sira

27“Ha’u dehan ba imi sira nebe rona dau-daun: hadomi imi nia funubalun sira, halo diak ba sira nebe hirus imi;  28fo bensa ba sira nebe fo malisan ba imi, harohan ba sira nebe koalia aat imi;  29ba ida nebe basa o nia hasan ida, fo tan o nia hasan seluk; ba ida nebe hadau o nia unuk, fo tan o nia hatais; 30ba ida nebe husu buat ruma, fo ba; ba ida nebe hola o nia sasan sira, keta husu fali. 31Nudar imi hakarak ema halo ba imi, halo mos nune’e ba sira.

Laran luak

36Buka sai ema laran luak hanesan imi nia Aman laran luak.  37Keta hanoin aat ema, no ema sei la hanoin aat imi; keta duu matak ema, no ema sei la duu matak imi. Fo perdua ba, no imi sei hetan perdua. 38Fo ba, no imi sei simu; ema sei tau ba imi nia liman buat diak barak, hanehan tun, doko tan to’o naresin. Basa imi sura oin sa ba ema, nune’e mos ema sei sura ba imi.”