DGEMs

Maluk sira mak Kristu hadomi,

“Liafuan diak sira hosi Salvasaun nian”: iha evangelho loron ohin nian, Jesus usa imagen selebrasaun kasamentu nian hodi haklaken katak Nia Liafuan-diak salvasaun nian mak tempu ida husi selebrasaun nian; la hanesan tempu sira “preparasaun no Jejum”hosi João Batista ninia eskolante sira. Reflete; “Jesus nia liafuan-diak oferese moris rohan la’ek. La hanesan ho tenstamentu tuan, ita selebra, no moris iha lialos ida ne’e ho fiar, domin, ksolok, no esperansa ne’ebé kle’an.”

Kona ba hadera an

33Sira dehan ba Nia: “Joao nia eskolante sira hadera an dala barak hodi hamulak. Fariseu sira nia eskolante sira halo mos nune’e. Maibe, O nian fali han hemu.” 34Jesus hatan ba sira: “Imi bele halo noivu nia bainaka sira hadera an wainhira noivu sei hela ho sira. 35Loron sei to’o mai, wainhira ema sei hasai noivu housi sira; foin mak sira sei hadera an iha loron sira neba.” 

36Nia haktuir tan aiknanoik ida ne’e ba sira: “Ema ida la tesi hatais foun ida atu taka hatais tuan nia kuak; halo nune’e karik, ida foun sei les ida tuan, hena nebe hasai housi ida foun la los ho hatais tuan. 37Ema ida la rai hela tua foun iha tua fatin kulit tuan; nia halo nune’e karik, tua foun sei halo fera tua fatin kulit tuan hodi halo tua nakfakar deit, no tua fatin kulit sei sai aat. 38Maibe tua foun sei tau iha tua fatin kulit foun, no sira rua sei la lakon. 39La iha ema ida nebe, hemu tiha tua tuan, hakarak hemu tan tua foun, basa nia dehan: ‘Tua tuan mak diak.’”