22ª Semana Tempu Komun: Kinta-feira, 05, fulan Setembro, 2024, September 5, 2024
Reflection on the WORD
Maluk sira mak Kristu hadomi,
“Fiar iha Jesus”: iha evangelho loron ohin nian, Pedro “obedese” Jesus ho fuan-tomak; no so’e nia rede fila fali”; maske nia tiha-ikan kalan tomak no la hetan ikan ida. Reflete; “ hanesan, Pedro, karik ita obedese ba Jesus, ho ita nia fuan-tomak fiar no konfia, ita sei manan premeiu sira ne’ebé mak liu tia faliita nia kapabilidade no expektasaun sira. Iha okaziaun sira wainhira ita iha dúvida iha Jesus?
Lk 5:4b-11
Jesus fihir nia eskolante sira
4Koalia hotu tiha, Nia dehan ba Simao: “Tama liu ba tasi laran no soe dai ba!” 5Simao hatan, “Mestre, ami serbisu tiha kalan tomak, la kaer buat ida. Maibe, tan Ita mak dehan, ha’u sei soe duni dai.” 6Wainhira sira halo nune’e, sira kaer ikan barak teb-tebes, dai besik atu nakles. 7Sira leok liman hodi bolu maluk sira iha ro seluk atu mai tulun sira. Sira mai duni, hodi halo ro rua nakonu di-diak besik atu mout. 8Hare tiha ne’e, Simao Pedro monu ain ba Jesus, hodi dehan: “Na’i, hadook An housi ha’u, tan ha’u ema maksalak ida!” 9Tebes duni, nia ho nia maluk sira seluk hakfodak tamba ikan barak nebe sira kaer. 10Simao nia maluk sira, katak Joao no Tiago, Zebedeu nia oan sira, sira mos hakfodak. Jesus dehan Simao: “Keta tauk; houri ohin ba oin o sei kaer ema.” 11Dada tiha ro ba tasi ibun, sira husik buat hotu hodi la’o tuir Jesus.
Today's Pointers on God's Word
As you read the passage what words, phases or meanings caught your attention?
- Pedro no nia kolega sira serbisu kalan tomak, sira kaer kona ikan ida de’it. Maibé wainhira Pedro ho fiar halo tuir Jesus nia lian, Poder no Glória Maromak nian hatudu nia-an liu hosi ikan ne’ebé sira kaer wain liu tia fali buat ne’ebé sira espera.
- Iha ita nia batismu, Maromak bolu ita atu halo ita koñese Nia. Ita iha tauk ka la’e, kuando ema la simu ita, hewai ka halo aat ita? Keta tauk. Wainhira ita hala’o Maromak nia hakarak no moris tuir Nia dalan, ita mós sei hetan bensaun wain liu fali buat ne’ebé ita la espera.
- Reza atu hetan inspirasaun no korazem hodi haklaken liafuan-diak. Moris tuir valor liafuan-diak ho ksolok iha ita nia moris loron-loron nian. Fahe naroman Kristu nian ho família, belun, no ema sira ne’ebé ita serbisu hamutuk.