22ª Semana Tempu Komun: Segunda-feira, 02, fulan Setembro, 2024, September 2, 2024
Reflection on the WORD
Maluk sira mak Kristu hadomi,
“Jesus-Salvador: Fiar” Iha evangelho loron ohin nian, Jesus haklaken katak profeta Isaías nia profesia mak hakonu-an iha Nia. Ema wain iha Nazare,admira teb-tebes nia. Reflet; “bainhira evangelho nia lialos kona iha ita nia fuan, ida ne’e ita atua bazeia ba inspirasaun ka mo’e lerek tiha atu halo Maromak nia vontade? Oinsa mak Espíritu Santu haruka ita atu ko’alia kona-bá Maromak nia hakarak ho aten-brani, hanesan Jesus?”
Lk 4:16-22a
Jesus iha Nazare
16Nia mai iha Nazare, iha nebe Nia sai boot. Tuir Nia lisan, Nia tama iha sinagoga iha loron Sabadu. Nia hamriik atu le’e. 17Sira fo ba Nia livru profeta Isaias nian. Loke tiha livru ne’e, Nia hetan fatin ida nebe hakerek nune’e:
18 “Na’i nia Espiritu iha Ha’u, basa Nia foti tiha Ha’u
atu haklaken liafoun diak ba kiak sira;
19Nia haruka Ha’u atu haklaken maksoin ba dadur sira
no halo matan delek sira hare; atu soi sira nebe ema hanehan,
hodi haklaken Na’i nia tinan rahun kmanek nian.”
20Hafoin, taka tiha livru, Jesus fo fali nia ba knaar nain. Nia tur tiha. Ema hot-hotu iha sinagoga laran hateke ba Nia. 21Tuir mai, Nia hahu koalia ba sira dehan: “Ohin halo tuir los duni liafuan Eskritura nian nebe imi foin rona.” 22Sira hotu koalia diak kona ba Nia; hodi hakfodak, tan liafuan kmook nebe sai housi nia ibun.
Today's Pointers on God's Word
As you read the passage what words, phases or meanings caught your attention?
- Iha nia moris tomak Jesus nunka lakon nia vizaun ba ninia misaun hodi halekar liafuan diak salvasaun nian.
- Hanesan ema lolos, Jesus mós iha liberdade ida atu hili no halo desizaun. Nia loke-an no Nia domin ne’ebé kle’an ba Maromak Aman mak fó dalan ba Maromak nia bensaun no grasa sira serbisu iha Nia-an. Nia hili atu sai fiar-nain ba Nia Aman no ba ita iha tempu sira hotu.
- Se ita hakarak duni atu haklaken no sai sasin ba Liafuan-diak salvasaun nian, Ita nia Na’i sei assegura katak ita sei bele moris tuir duni ida ne’e ho fiar metin. Maromak dehan ba ita, sim “Ha’u nia naha mamar no nia todan kma’an de’it.” Ita labele tauk tau ita nia fiar iha Nia.