DGEMs

Maluk sira mak Kristu hadomi,

“Responsabilidade – Fiar”: Iha evangelho ohin, Jesus haklaken ba nia discípulo sira “Aiknanoik osan talenta sira nian” atu dezafia ita hodi moris ita nia fiar ho responsabilidade bot liu tan. Reflete; “Maromak hadomi no konfia ita. Nune’e, Nia fó bensa ita ho grasa, talento no oportunidade sira, atu nune’e ita bele serbí no glorifika Nia. Ita iha fidelidade iha fiar, kreatividade no halo Kristu hanesan Sentru?

Aiknanoik osan talenta sira nian

14“Sei hanesan mos ema ida nebe, molok atu ba la’o rai, bolu nia atan sira hodi husik nia rikusoi ba sira. 15Ba ida nia fo osan talenta lima, ba ida seluk nia fo rua, ba ida seluk tan nia fo ida; ba ida-ida tuir nia kbiit. Hafoin nia la’o tiha. 19Kleur tiha, atan sira ne’e nia na’in fila mai hodi husu sira kona ba nia osan. 20Ida nebe simu talenta lima hakbesik hodi fo fali lima tan ba nia dehan: ‘Na’i, ita fo talenta lima mai ha’u, talenta lima tan nebe ha’u manan mak ne’e.’ 22Tuir mai ida nebe simu talenta rua hakbesik dehan: ‘Na’i, ita fo mai ha’u talenta rua; rua seluk nebe ha’u manan mak ne’e.’ 23Na’i hatan ba nia: ‘Diak los, atan diak no laran los; tan o hatudu laran los iha buat nebe kiik, ha’u sei fo ba o buat barak atu tau matan . Tama ba o na’i nia ksolok.’  24Ikus liu ida nebe simu talenta ida deit mosu mai dehan: ‘Ha’u hatene ita boot ema maka’as nebe ku’u iha nebe ita la kuda, halibur iha nebe ita la lekar. 25Tan ne’e ho tauk ha’u ba subar tiha ita nia osan iha rai; buat nebe ita nian mak ne’e.’ 26Na’i hatan ba nia: ‘Atan aat no barukten! O hatene katak ha’u ku’u iha  nebe ha’u la kuda, ha’u halibur iha nebe ha’u la lekar. 27Ne’e duni, tuir lolos o sei lori ha’u nia osan ba banku; nune’e, fila tiha mai, ha’u bele foti ha’u nia osan ho funan. 28Ne’e duni, imi hasa’e tiha talenta housi nia hodi fo ba ida nebe iha sanulu.