20ª Semana Tempu Komun: Sesta-Feira, loron 23, fulan Agostu, 2024, August 23, 2024
Reflection on the WORD
Maluk sira mak Kristu hadomi,
“Ukun fuan boot rua” – Fiar: Iha evangelho ohin, Jesus haklaken katak, “ita tenki hadomi Maromak ho ita nia fuan, klamar no hanoin tomak....no, ita tenki hadomi ita nia maun-alin sira hanesan ita-an rasik.” Reflete; “se ita moris iha ukun fuan rua ne’ebé labele haketak malu ne’e, ita sei simu Maromak nia bensaun hotu, no ita sei fó sasin kona-bá lia foun diak Jesus nian ho sabedoria no ksolok boot.
Mt, 22:34-40
Ukunfuan nebe boot liu
34Wainhira fariseu sira rona katak Jesus halo saduseu sira sai nonok, sira halibur an hamutuk. 35Sira ida, doutor ukunfuan nian, husu hodi koko Nia: 36“Mestre, ukunfuan ida nebe mak boot liu?” 37Jesus hatan ba nia: “O sei hadomi Na’i, o nia Maromak ho neon ho laran, ho o nia klamar tomak. 38Ida ne’e mak ukunfuan uluk no boot liu hotu. 39Ida tuir mai hanesan nia: ‘O sei hadomi ema seluk hanesan o nia an rasik.’ 40Ukunfuan rua ne’e, ukunfuan sira hotu no profeta sira nia hun.”
Today's Pointers on God's Word
As you read the passage what words, phases or meanings caught your attention?
- Hadomi Na’i Maromak mak ukun fuan ne’ebé boot liu hotu tamba Maromak kria ona universu, kriasaun tomak no ema hola parte iha kriasaun tomak.
- Hadomi ita nia maun alin sira mak ukun fuan daruak boot liu tamba ita presiza koko ita nia sinceridade domin nian ba Maromak.
- Domin ne’ebé ita iha, iha ita nia fuan no uma boot ka la’e? Ita ema ksolok nain ida? Pergunta rua ne’e mak labele fahe malu sira nia relasaun. Reflete lia los ida ne’e ohin.