DGEMs

Maluk sira mak Kristu hadomi,

“Paun Moris” – Fiar: Iha evangelho ohin, Jesus haklaken ba ema lubun boot, “Ha’u mak Paun Moris.....basá Ha’u nia Isin mak aihan lolos no ha’u nia Ran mak hemu lolos. Se mak han Ha’u futar Isin no hemu Ha’u futar ran hetan Moris Rohan La’ek. Reflete; “Jesus nia fó-an lorloron hanesan divinu iha forma sakramentu. Ida ne’e mak Paun no Tua externo, maibé iha realidade husi Nia futar isin no ran real nian.

51Ha’u mak paun moris nian nebe tun mai housi lalehan. Ema nebe han paun ne’e, nia sei moris ba nafatin; no paun nebe Ha’u sei fo mak Ha’u nia isin rasik, saran ba mundu nia moris.” 52Ema Judeu sira haksesuk malu dehan: “Oin sa mak Nia bele fo nia isin mai ita atu han?” 53Jesus hatan ba sira: “Tebes, tebes, Ha’u tebes ba imi: imi la han karik Oan Mane nia isin, imi la hemu karik nia ran, imi sei la hetan moris iha imi. 54Ema nebe han Ha’u nia isin no hemu Ha’u nia ran hetan moris rohan laek, no Ha’u sei halo nia moris hi’as iha loron ikus. 55Basa Ha’u nia isin aihan duni, Ha’u nia ran tua duni. 56Ema nebe han Ha’u nia isin no hemu Ha’u nia ran horik iha Ha’u, no Ha’u horik iha nia. 57Nudar Ha’u Aman nebe moris haruka Ha’u mai, no Ha’u moris tamba Aman, nune’e mos ema nebe han Ha’u, sei moris tamba Ha’u.