18ª Semana Tempu Komun: Domingo, loron 04, fulan Agostu, 2024 August 4, 2024
Reflection on the WORD
Maluk sira mak Kristu hadomi,
“Fiar iha Jesus?”: Iha evangelho ohin, Jesus siak ema lubun boot sira tamba sira buka Nia ho dezeju ne’ebé la los no superfisial. Nia depois haklaken”... serbisu ba hahan ne’ebé lori ba Moris Rohan La’ek, ne’ebé Oan Mane sei fó ba ita.” Reflete; Ita reza ba Maromak, wainhira ita iha necesidade dezesperada?Ita nia domin ba rikus soin material, glória ba an rasik boot liu fali domin ba Maromak?
Pe. Philip Heng, S.J.
John, 6:24-29
Paun moris nian
24Hare katak Jesus la iha ona neba, nia eskolante sira mos lae, sira sa’e ro hodi ba Kafarnaum atu buka Jesus. 25Hetan tiha Nia iha tasi sorin balun ba, sira hateten ba Nia: “Mestre, wainhira mak Ita boot to’o iha ne’e?” 26Jesus hatan ba sira dehan: “Tebes, tebes, Ha’u dehan ba imi: imi buka Ha’u la’os tan imi hare milagre sira, maibe tan imi han paun to’o bosu. 27Keta haka’as an atu hetan aihan nebe mohu, maibe aihan nebe hela ba moris rohan laek; nebe Oan Mane sei haraik ba imi. Basa ba Nia mak Aman Maromak tau nia marka.” 28Sira hatan ba Nia dehan: “Ami sei halo sa los atu halo Maromak nia serbisu?” 29Jesus lia tun ba sira: “Maromak nia serbisu mak ida ne’e: imi fiar Ida nebe Nia haruka mai.”
Today's Pointers on God's Word
As you read the passage what words, phases or meanings caught your attention?
-
Iha evangelho ohin, Jesus dehan ba ema lubun boot katak sira buka Nia simplesmente ba hahan isin nian de’it, la’os ba hahan ne’ebé fó han ba sira nia moris rohan la’ek nian.
-
Ita hotu hetan convite atu serbí Maromak ho fuan tomak no ita so bele halo ida ne’e se ita fiar kle’an no metin iha Nia. Tempu hira mak ita aloka ba Maromak?
-
So Maromak mak bele halo kontente ita nia hakarak ne’ebé kle’an iha ita nia fuan. Oinsa lia-los ida ne’e iha ita nia moris? Ita experiênsia ona satisfasaun ruma iha ita nia moris ne’ebé mak kle’an duke buat ne’ebé Maromak fá ba ita? Ne’e sertamente la posivel ida.