DGEMs

Maluk sira mak Kristu hadomi,

“Lori krus sira ho Jesus” - Fiar: Iha Evangelho ohin nian, Jesus haklaken katak “ema ne’ebé la lori nia krus no la’o tuir ha’u, labele sai Ha’u nia eskolante.” Reflete; Jesus la husu ita atu lori krus sira no dezafiu sira ne’ebé liu fali ita ema nia kapasidade. Nia sei nafatin haraik grasa sira, kbiit no sabedoria mai ita hodi la’o tuir Nia ho fidelidade. Ita prontu ka la’e?

Pe. Philip Heng, S.J.

Husik Buat Hotu Atu Tuir Jesus

            25Ema lubun boot la’o hamutuk ho Jesus. Nia fila oin hodi dehan ba sira: 26 “Ema ruma mai tuir Ha’u karik, maibe la hewai nia aman, inan, feen, oan sira, to’o nia moris rasik, ema ne’e la bele sai ha’u nia eskolante. 27Ema nebe la lori nia krus hodi tuir Ha’u, nia la bele sai ha’u nia eskolante. 28Imi ida nebe mak, atu halo uma aas ida, la tur uluk lai atu sura buat nebe kuran, hodi hare nia iha osan ka lae atu halo to’o hotu? 29Keta halo be, foin hahu harii, nia la iha kbiit atu halo to’o rohan. Hafoin sira nebe hare, hahu hamoe nia dehan: 30 ‘Ema ne’e hahu harii, maibe la bele halo to’o rohan!’”. 33Nune’e mos imi hotu nebe la husik imi nia rikusoi tomak, la bele sai ha’u nia eskolante.”