Santa Marta, Maria, no São Lázaro: Segunda-Feira, loron 29 fulan Julho, 2024 July 29, 2024
Reflection on the WORD
Maluk sira mak Kristu hadomi,
“Domin ho Disernimentu”: Iha Evangelho ohin nian, Marta ho Maria simu Jesus ho laran haksolok tebes iha sira nia uma. Enkuantu Marta preokupa prepara hahan, Maria tuur ho atensaun boot no domin tomak hodi rona Jesus. Reflete; “Ita halo buat di’ak barak, maibé dala barak, ita la prioritiza buat hirak ne’ebé ita halo. Jesus konvida dau-daun ita atu diserne ita nia prioridade sira no hatene Nia di’ak liu-tan pesoalmente.
Pe. Philip Heng, S.J.
Lk 10:38-42
Marta no Maria
38Tuir dalan, Jesus to’o knua ida. Feto ida naran Marta simu Nia iha nia uma. 39Marta iha feton ida naran Maria, nebe tur deit iha Jesus nia ain hodi rona Nia koalia. 40Marta fali, nebe la’o ba la’o mai hodi serbisu barak, hakbesik hodi dehan: “Na’i, Ita la hare katak ha’u nia alin husik ha’u serbisu mesa-mesak? Dehan to’ok ba nia atu tulun ha’u.” 41Na’i hatan ba nia: “Marta, Marta, o la’o kole hodi hanoin resin kona ba buat barak; maibe buat ida deit mak folin los. 42Maria hili buat nebe diak liu hotu, nebe ema ida sei la hadau housi nia.”
Today's Pointers on God's Word
As you read the passage what words, phases or meanings caught your attention?
- · Cada momentu ita partisipa iha Eukaristia, ita nia entuziasmu tenki hanesan ho Marta no Maria basá sira orgullu no kontente atu horik iha Jesus Nia prezensa.
- · Reflete iha minutu balun ita nia dispozisaun sira lor-loron nian hasoru Jesus. Ita iha fuan ne’ebé bele rona no fuan ne’ebé kontemplativa hanesan Maria ka la’e? Ka ita nia hanoin sira la’o dook tiha hosi Jesus, tanba ita iha preokupasaun barak iha moris?
- · Mai ita hahú ohin kedas katak cada vez que ita simu Jesus iha Eukaristia, ita sei kompremete atu valoriza Nia prezensa di’ak liu-tan, liu-hosi silénsiu atu rona saida mak Nia tenki dehan mai ita, “ko’alia ba Na’i, ita atan-oan rona dau-daun.”