DGEMs

Maluk sira mak Kristu hadomi,

 “Ita nia prezente sira ba Maromak”-Fiar: Iha Evangelho ohin nian, Jesus bele halo milagre hodi fó-han ema mane rihun lima ho prezente hosi labarik mane ida nia paun fuan lima no ikan rua. Reflete; ita prontu atu oferese ita nia prezente sira ba Jesus ho laran luak no ho haraik-an? Karik ita foku ba buat ne’ebé Jesus bele halo ho ita nia prezente sira no laos foku ba buat ne’ebé ita lakon dau-daun, wainhira ita partilla ita nia prezente sira, ita sei sai ema jenerozu atu partilla ita nia bensaun ho ema seluk.

Pe. Philip Heng, S.J.

5Foti tiha matan hodi hare katak ema lubun boot mai hasouru  Nia, Jesus dehan ba Filipe: “Ita sosa paun iha nebe los atu ema sira ne’e bele han?” 6Jesus koalia nune’e atu koko nia, basa Nia hatene ona atu halo sa. 7Filipe hatan ba Nia:” Paun osan atus rua nian mos sei la to’o atu ema ida-ida simu paun baluk oan ida.” 8 Nia eskolante ida, Andre, Simao Pedro nia alin, hateten ba Nia. 9“Iha ne’e, iha labarik oan ida ho paun fuan lima no ikan rua; maibe ne’e to’o oin sa los ba ema barak ne’e?” 10Jesus lia tun, dehan: “Haruka mane sira ne’e tur hotu.” Iha fatin neba iha du’ut barak. Mane sira besik rihun lima tur tiha hotu. 11Kaer tiha paun, Jesus fo agradese, hodi fahe ba ema sira nebe tur iha neba; Nia halo mos nune’e ho ikan sira. Sira han to’o sira hakarak. 12Wainhira sira bosu ona, Nia hateten ba nia eskolante sira: “Halibur tiha baluk oan sira nebe resin atu la bele lakon.” 13Sira halibur duni hodi hakonu luhu sanulu resin rua housi rahun nebe hela housi paun fuan lima ne’e.