DGEMs

Maluk sira mak Kristu hadomi,

“Disernimentu iha ita nia Fiar”:Iha aiknanoik ohin nian kona-bá “du’ut aat no trigu,” Jesus esplikakatak inimigu mak kuda tiha du’ut aat no ita tenki hein to’o tempu koilleta atu hafahe du’ut aat no trigu. Reflete; atu diserne Maromak Nia Hakarak, ita presiza hein konsolasaun sira hosi Espíritu Santu nian no labele responde ho emosaun ba ita nia susar no terus sira.”

Pe. Philip Heng, S.J.

Aiknanoik du’ut aat nian

24Nia dehan tan aiknanoik ida ba sira: “Reinu lalehan nian hanesan ema ida nebe kuda fini diak iha nia to’os; 25maibe wainhira nia emar sira toba dau-daun, nia funubalun mai kuda du’ut aat iha trigu le’et, hafoin nia ba tiha. 26Wainhira trigu sai boot tiha hodi fo fuan, du’ut aat mos mosu. 27To’os na’in nia atan sira mai buka nia hodi dehan ba nia: ‘Na’i, ita boot la kuda fini diak iha ita nia to’os? Du’ut aat mai housi nebe?’ 28Nia hatan: ‘Ha’u nia funubalun ruma mak halo buat ne’e.’ Atan sira dehan ba nia: ‘Ita boot hakarak ami ba fokit tiha nia?’ 29 ‘Lae,’ nia dehan, ‘keta halo be hodi fokit du’ut aat, imi fokit mos trigu. 30Husik sira rua moris hamutuk ba; loron ko’a hare nian to’o mai mak ha’u sei dehan ba to’os atan sira: ‘Hili uluk du’ut aat ba hodi futu hamutuk atu sunu; trigu fali, halot tiha iha ha’u nia hoka.’”