DGEMs

Maluk sira mak Kristu hadomi,

“Haraik-an iha Fiar”:Iha Evangelho ohin nian, Jesus lia-tun ba Nia Apóstolu sira, “ema ne’ebé hakarak sai boot, nia sei sai o nia atan; nu’udar Oan Mane mai, la’os atu ema serbí Nia, maibé atu Nia serbí no saran Nia moris hodi soi ema barak.” Reflete; karik ita la serbí Maromak ho haraik-an, ita sei laran moras wainhira ema la valoriza ita nia serbisu sira no sakrifisiu sira.

Pe. Philip Heng, S.J.

Zebedeu nia oan sira

            20Tuir mai Zebedeu oan sira nia inan hakbesik Jesus hamutuk ho nia oan sira, monu iha nia ain hodi husu buat ida. 21Jesus husu ba nia: “Ita hakarak sa ida?” Nia hatan: “Ita boot haruka atu atan nia oan mane rua ne’e ida tur iha Ita nia sorin kuana, ida iha Ita nia sorin karuk iha Ita boot nia reinu.” 22Jesus dehan: “Imi la hatene buat nebe imi husu ne’e. Imi bele hemu kalis nebe Ha’u atu hemu?” Sira hatan: “Ami bele.” 23Nia dehan fali ba sira: “Tebes duni, imi sei hemu Ha’u nia kalis; maibe tur iha Ha’u nia sorin kuana eh karuk, ne’e la’os Ha’u mak fo; ne’e ba sira nebe Ha’u Aman hadia hela.”

            24Rona tiha ne’e, sira na’in sanulu hirus maun alin rua ne’e. 25Jesus bolu sira hodi dehan ba sira: “Imi hatene katak na’i ulun gentiu sira nian ukun povu hodi kbiitt. 26Imi sei la halo hanesan ne’e; maibe iha imi le’et se mak hakarak sai boot, nia sei sai imi nia atan; 27no ida nebe hakarak sai uluk, nia sei sai imi nia atan. 28Hanesan Oan Mane mai, la’os atu ema serbi Nia, maibe atu serbi no saran nia moris atu soi ema barak.”