15ª Semana Tempu Komun: Sábadu, loron 20 fulan Julho, 2024 July 20, 2024

Reflection on the WORD

Maluk sira mak Kristu hadomi,

 

“Jesus Nia Inimigu sira”-Fiar:Iha Evangelho ohin nian, enkuantu Judeu barak mak fiar no tuir Jesus nu’udar Mesias; ema Farizeu sira hahú futu-lia atu estraga Jesus. Reflete; ita konxiente katak hanesan ho ema Farizeu sira, ita mos bele justifika ita nia salan sira? Liu-liu, ita nia salan sira ne’ebé halo ita sente satisfas ona ho ita nia fiar no uza Maromak Nia laran luak/mizerikórdia no Kompaixaun tuir ita nia hakarak de’it?  

Pe. Philip Heng, S.J.

Mt 12:14-21

14Sai tiha ba liur, fariseu sira hahu lia tuir malu oin sa atu halakon Nia. 15Tan  hatene ona ida ne’e, Jesus hadook An tiha housi fatin neba. Ema barak tuir Nia no Nia fo isin diak ba sira hotu, 16hodi hateten ba sira atu la bele fo hatene ba ema ida. 17Nune’e sai tuir duni buat nebe profeta Isaias dehan nanis: 18“Ha’u nia atan mak ne’e, nebe Ha’u fihir, Ha’u nia doben nebe  haksolok Ha’u nia laran teb-tebes. Ha’u sei tau Ha’u nia Espiritu ba Nia, Nia sei haklaken justisa ba nasaun sira. 19Nia sei la istori malu ho ema eh hakilar; ema ida sei la rona Nia lia iha dalan sira. 20Nia sei la silu tohar tan fafulu nebe atu tohar ona, sei la hu’u mate kabas ahi oan nian nebe sei suar, to’o Nia atu halo justisa manan. 21Iha Nia naran mak nasaun sira sei tau sira nia esperansa.”

Today's Pointers on God's Word

As you read the passage what words, phases or meanings caught your attention?

  • ·      Pasajen Evangelho ida ne’e fó konsolasaun no esperansa boot. Profeta Isaías afirma katak Jesus nu’udar “Aman Maromak Nia Oan ne’ebé Nia rasik Hasantu ho Mina Lulik (Ungido de Deus),” sei manan iha Nia misaun no sei soi Maromak Nia emar hotu. Konsolasaun kmanek tebes!
  • ·      Profeta Isaías kontinua profetiza:” Fafuluk nakfera, Nia sei la silu tohar, sei la hamate ahi-suar,” ezemplu hanesan ita ema. Esperansa kmanek tebes!
  • ·       Hanoin hikas fali, tempu sira ne’ebé wainhira ita esperimenta, Na’i Maromak Nia liman ne’ebé proteje ita nia moris no Nia laran luak/mizerikordia (maski ita ema maksalak). Harohan ba ho ita nia laran tomak hodi dehan, “Na’i, iha Ita Boot, ami tau hotu ami nia konfiansa no esperansa.”