DGEMs

Maluk sira mak Kristu hadomi,

“Jesus Nia Pasiénsia”- Fiar: Iha Evangelho ohin nian, Jesus haksi’ak ema sira hosi rai Korazain, Betsaida no Kapernaum tanba sira nia fuan no neon toos hodi la simu no fiar iha Liafuan Di’ak Salvasaun nian. Ho Jesus nia tristeza ne’ebé boot tebes, Jesus dezafia ema hirak ne’e atu konverte. Reflete; “Ita mos koko Maromak Nia Pasiénsia wainhira ita prátika ita nia fiar naton de’it (morna de’it ka la ho entuziasmu)?

Pe. Philip Heng, S.J.

Sidade aat sira sei hetan kastigu

20Ho ne’e, Nia hahu koalia hasouru sidade sira iha nebe Nia halo ona milagre barak liu, tan sira la halo penitensia. 21 “Susar ba o, Korozain! Susar ba o, Betsaida! Basa milagre sira nebe halo ona iha imi le’et, halo tiha karik iha Tiro no Sidonia, kleur tiha ona mak sira hakribi sala hodi hatais karon no ho ahikdesan. 22Tan ne’e, Ha’u dehan ba imi katak iha loron justisa nian kastigo ba Tiro no Sidonia sei kmaan liu fali imi nian. 23O fali, Kafarnaum, o hakarak foti an to’o lalehan? O sei monu to’o inferno! Basa milagre sira nebe halo ona iha o halo tiha karik iha Sodoma, to’o ohin Sodoma sei hamriik hela. 24Tan ne’e, Ha’u dehan ba imi katak iha loron justisa nian kastigo ba Sodoma sei kmaan liu fali o nian.”