14ª Semana Tempu Komun: Sesta-Feira, loron 12 fulan Julho, 2024 July 12, 2024
Reflection on the WORD
Maluk sira mak Kristu hadomi,
Dezafius- La’o tuir Jesus”: Iha Evangelho ohin nian, Jesus dehan ba Nia eskolante sira atu matan moris neon na’in katak wainhira sira haklaken no sasin Jesus Nia Lia-Foun Di’ak Salvasaun nian, sira sei hetan susar no persegisaun. Maibé, Jesus Nia Aman Maromak sei haruka Espíritu Santu hodi haroman no hakbiit eskolante sira iha tempu hotu-hotu. Reflete; ita evita atu sai eskolante verdadeiru Jesus Nian wainhira ita hasoru dezafius hodi moris tuir Jesus Nia Evangelho Lialos?”
Pe. Philip Heng, S.J.
Mt 10:16-20
Apostolu sira sei hetan susar
16“Ha’u haruka imi ba hanesan bibi sira iha asu fuik sira le’et. Ne’e duni, matan moris neon na’in ba hanesan samea sira, no mos laran los hanesan manu falur sira. 17Matan moris ho ema sira. Sira sei lori imi ba sinedriu hodi baku imi iha sira nia sinagoga laran. 18Sira sei lori hodi kesar imi ba emboot no liurai sira tamba Ha’u, atu imi fo sasin ba sira no ba gentiu sira. 19Maibe wainhira sira saran imi, keta hanoin resin kona ba sa mak imi sei hatan, eh koalia oin sa; iha oras neba sei haraik ba imi atu dehan sa ida. 20Basa la’os imi mak koalia, maibe imi Aman nia Espiritu mak sei koalia liu housi imi.
Today's Pointers on God's Word
As you read the passage what words, phases or meanings caught your attention?
- · Jesus alerta Nia eskolante sira kona-bá perigu sira ne’ebé, karik sira sei hasoru, wainhira sira ba haklaken Liafoun Di’ak. Wainhira Maromak bolu ita atu involve-an iha misaun Maromak Nian atu habelar Nia Liafoun Di’ak, ita labele hetan distrasaun hosi dalan aat sira mundu nian.
- · Wainhira ita hetan dezafius atu evita dalan aat sira, ita tenki permanese inosente hanesan manu falur hodi husik Espíritu Santu guia ita iha tempu hotu-hotu.
- · Espíritu Santu sei nafatin hamutuk ho ita nu’udar ita nia kilat, hodi funu hasoru buat aat sira no opozisaun sira hasoru Liafoun Di’ak salvasaun nian. Ikus mai, Maromak Nia Hakarak mak sempre sei manan, tan ne’e tau fiar no konfiansa ba Maromak.