DGEMs

Maluk sira mak Kristu hadomi,

“Jesus Nia Dame”- Fiar: Iha Evangelho ohin nian, hanesan Jesus Nia eskolante sira haklaken Lia-Foun Di’ak Salvasaun nian, Jesus dehan ba sira katak “wainhira imi tama uma, kumprimenta, no karik ema simu imi, imi nia dame hela iha uma ne’e.” Reflete; ita nia fuan no uma simu Jesus Nia Liafuan sira ne’ebé bele dezafia ita atu moris tuir Jesus Nia Lialos, Domin no Laran Luak/Mizerikordia? Karik la’e, ita sei la simu Jesus Nia Dame.”

Pe. Philip Heng, S.J.

7Tuir dalan, haklaken ba katak reinu lalehan besik ona. 8Halo moras sira hetan isin diak ba, halo mate sira moris hi’as fali ba, halo moras lepra sira sai mos, duni sai diabu sira. Imi simu hodi la selu, fo mos hodi la hein ema selu imi. 9Keta lori osan mean, osan mutin eh osan riti iha imi nia futukabun. 10La bele lori kohe tuir dalan, hatais tahan rua, sandalias, eh aitonka; basa serbisu na’in soi atu simu nia kolen. 11Wainhira imi tama iha sidade ka knua ruma, husu lai ema se mak diak, hodi hela iha neba to’o imi sai. 12Wainhira imi tama iha uma ida, kumprimenta nia ba. 13Uma ne’e soi karik, imi nia dame sei tun ba sira; nia la soi karik, imi nia dame sei fila ba imi. 14Ema la simu imi karik eh rona imi nia liafuan, liki rai rahun housi imi nia ain wainhira imi sai housi uma ka sidade ne’e.