14ª Semana Tempu Komun: Tersa-Feira, loron 9 fulan Julho, 2024 July 9, 2024
Reflection on the WORD
Maluk sira mak Kristu hadomi,
“Bibi sira sein nia Bibi Atan - Fiar”: Iha Evangelho ohin nian, Jesus haklaken ba ema lubun boot sira Lia-Foun Di’ak Salvasaun nian no Nia kura moras oi-oin. Reflete; wainhira ita la rona Jesus nu’udar ita nia Bibi-Atan Di’ak no la halo tuir Nia lian... it mos bele ‘kolen, ansiozu no triste.’ Ida ne’e tanba Jesus de’it mak bele haraik mai ita dame, alegria no felisidade ne’ebé profunda tebes iha ita nia moris.
Pe. Philip Heng, S.J.
Mt 9:35-37
To’os boot, maibe to’os atan uitoan
35Jesus la’o lemo sidade ho knua sira hodi hanorin iha sinagoga sira no haklaken liafoun diak reinu nian; fo mos isin diak ba ema moras sira no ba sira hotu nebe terus. 36Hare tiha ema lubun boot, Nia hanoin teb-tebes sira basa sira kole no neon nakraik, hanesan bibi sira nebe bibiatan la iha. 37Tan ne’e Nia dehan ba eskolante sira: “To’os boot duni, maibe serbisu na’in uitoan. 38Ne’e duni imi harohan ba to’os na’in atu haruka serbisu na’in sira ba nia to’os.”
Today's Pointers on God's Word
As you read the passage what words, phases or meanings caught your attention?
- · Liafoun Di’ak Salvasaun nian toka ona Kristaun sira billaun ida ka liu-tan iha mundu.
- · Karik ita iha ro-ahi laran no hetan ema seluk mout iha tasi laran, laos ka ita iha obrigasaun atu salva sira? Karik ita la halo buat ruma ba sira, ita nia Liafoun Di’ak la integra (la sai ida de’it) iha ita nia moris.
- · Jesus dezafia ita hotu ne’ebé simu ona prémiu moris rohan la’ek nian atu halo buat ne’ebé ita bele lor-loron, hodi halo Jesus Nia Liafoun Di’ak koñesida, amada no vivida. Reflete Lialos ne’e no loke-an ba Maromak hodi dezafia ita, atu halo Nia sai real ba ema, liu-hosi ita nia testemuña ba Nia.