14ª Semana Tempu Komun: Segunda-Feira, loron 8 fulan Julho, 2024 July 8, 2024

Reflection on the WORD

Maluk sira mak Kristu hadomi,

 

Jesus Nia Milagre sira - Ema Hamo’e”: Iha Evangelho ohin nian, Jesus halo moris hias ema boot Romanu nia oan feto, maibé ema lubun boot sira hamoe Jesus. Karik ita nia fiar iha Jesus nu’udar ita nia Maksoin la kle’an; ita nia fiar bele sai hanesan superstisioza no espíritu aat sira bele halo ita nia fiar ba Jesus sai fraku. Reflete; ita reverénsia Jesus no sasin ita nia fiar iha Nia ho aten brani no haraik-an?”

Pe. Philip Heng, S.J.

Mt 9:18-19, 23-26

Feto moras ran suli sai.  Jairo nia oan feto.

18Wainhira Jesus koalia dau-daun ba sira, nai ulun ida hakbesik ba Nia hodi monu ain iha nia oin dehan:  “Ha’u nia oan feto foin mate; maibe Ita boot hiit An mai tau liman ba nia, nia sei moris.”  19Jesus hamriik hodi la’o tuir nia hamutuk ho eskolante sira. 23Wainhira Nia to’o ba na’i ulun nia uma hodi hare ema hu’u flauta no ema barak seluk book an ba book an mai, Nia dehan; 24“Imi sai tiha, labarik la mate; nia toba deit.” Sira hamnasa Nia. 25Wainhira ema lubun sai ona, Nia tama ba laran, kaer labarik feto nia liman, no labarik feto ne’e hamriik. 26Liafuan kona ba buat ne’e naklekar iha rai tomak neba.

Today's Pointers on God's Word

As you read the passage what words, phases or meanings caught your attention?

  • ·        Mate mak define ita nia realidade umana ne’ebé finita, basá ida ne’e labele evita no ita hotu sei hasoru lialos ida ne’e. Maibé Evangelho ohin fó hanoin ita katak nu’udar Kristaun, mate labele halakon/manan ita, basá ita fiar ba Jesus ne’ebé sei halo ita moris hias ba moris rohan la’ek nian. 
  • ·        Kristu moris hias, hela dau-daun iha ita nia-an no hakonu ita nia moris lor-loron ho ksolok boot tebes, maski iha terus barak iha ita nia moris.
  • ·        Lialos ida ne’e tenki halo diferensa iha ita nia moris, basá ita hare ba ita nia moris prezente nian ne’ebé eziste dau-daun boot liu fali mundu ida ne’e. Tan ne’e, ita koko atu ultrapasa hahalok moris mundu nian no foka ba moris tuir Maromak Nia dalan sira, ne’ebé lori ita ba moris rohan la’ek.