DGEMs

Maluk sira mak Kristu hadomi,

“Matan Delek iha Fiar”: Iha Evangelho ohin nian, Jesus Nia emar sira hosi Nazaré la simu Nia nu’udar Mesias maski sira hare no hakfodak ona ho Nia sabedoria ne’ebé boot no kbiit divinu nian hodi halo milagre sira. Sira sei la simu katak karpinteiru nia oan bele sai Mesias. Reflete; ita nia prejuizu sira teri-netik ita atu hare Maromak Nia Prezensa no Providénsia iha ita nia moris?”

Pe. Philip Heng, S.J.

Ema hewai Jesus iha Nazare

                1Sai tiha housi fatin ne'e, Jesus fila fali ba nia rai. Nia eskolante sira tuir Nia.  2To’o tiha  loron Sabadu, Nia tama iha sinagoga atu hanorin. Ema sira nebe rona Nia koalia hakfodak hodi dehan ba malu, “Nia simu buat hirak ne'e hotu housi los nebe? Sa matenek mak fo tiha ba Nia? Oin sa mak Nia bele halo milagre bo-boot hirak ne'e?  3Nia la'os badaen ai nian, Maria nia oan; Tiago, Jose, Judas no Simao nia maun alin? Nia feton sira la horik iha ita le’et?”  4Sira sai bilan kona ba Nia. 5Jesus lia tun ba sira dehan: “Iha deit nia rai, iha deit nia uma no parenti sira le’et mak profeta ida la hetan naran boot.” Tan ne'e, Nia la bele halo milagre iha neba; Nia fo isin diak ba ema moras balun deit hodi tau liman ba sira. 6Nia hakfodak tamba sira fiar laek liu. Nune'e Nia la'o tiha ba knua sira nebe besik hodi hanorin iha neba.