DGEMs

Maluk sira mak Kristu hadomi,

“Fiar ba moris Hias”: Iha Evangelho ohin nian, Apóstolu Tomás dúvida tanba Jesus moris hias hosi Nia Mate. Tomás hakarak haré no kaer Jesus Nia kanek sira molok nia atu fiar ba Jesus Nia moris hias. Reflete; hanesan Tomás, dala ruma ita mos dúvida ho lialos Maromak Nian no Maromak Nia Domin Mizerikordiozu, liu-liu wainhira ita hasoru dezafius nebe todan los iha ita nia moris, hanesan moras, susar iha família nia laran, problema finansas nian, no seluk-seluk tan?”

Pe. Philip Heng, S.J.

24Tome, sira na’in sanulu resin rua ne’e ida, nebe ema hanaran Kaduak, la hamutuk ho sira wainhira Jesus mosu. 25Tan ne’e, eskolante sira hateten ba nia: “Ami hare ona Na’i!” Maibe nia hatan ba sira: “Ha’u la hare karik besi kusan nia kuak iha Nia liman, la tau karik ha’u nia limanfuan iha besi kusan fatin, no la hatama karik ha’u nia liman iha nia  sorin, ha’u sei la fiar.”

            26Liu tiha loron ualu, eskolante sira halibur fali iha uma laran. Tome mos hamutuk ho sira. Odamatan sei taka hela, Jesus mosu hodi hamriik iha sira leet dehan: “Dame hela ho imi!” 27Hafoin Nia hateten ba Tome: “Lori o nia limanfuan mai, no hare Ha’u nia liman; lolo o nia liman hodi hatama iha Ha’u nia sorin. O keta laran tos, maibe fiar!” 28Tome hatan dehan ba Nia: “Ha’u Na’i, ha’u Maromak!” 29Jesus lia tun teni ba nia: “O fiar tan o hare tiha Ha’u? Ksolok ba sira nebe fiar maski la hare.”