13ª Semana Tempu Komun: Tersa-Feira, loron 2 fulan Julho, 2024 July 2, 2024
Reflection on the WORD
Maluk sira mak Kristu hadomi,
“Hakalma Laloran Tasi”- Faith: Iha Evangelho ohin nian, Jesus hakalma laloran tasi no dehan ba Nia eskolante sira, “Tansá imi ta’uk los, imi sira fiar kiik tebes?” Reflete; Apóstolu sira nia fiar no kompromisu hodi haklaken no sasin Lia-Foun Di’ak, sai metin iha tempu ruma; sira mate nu’udar mártires. Ita konxiente nafatin hodi hakle’an ita nia fiar, esperansa no domin ba Jesus ka la’e?”
Pe. Philip Heng, S.J.
Mt 8:23-27
Tasi boot sai hakmatek
23Tuir mai Jesus sa’e ba ro hamutuk ho Nia eskolante sira. 24Teki-teki, tasi hahu si’ak maka’as, laloran tama makaas iha ro laran, maibe Nia toba dukur hela. 25Eskolante sira hakbesik hodi fanu Nia dehan: “Na’i, soi ami, ami atu mate.” 26Jesus dehan ba sira: “Tansa imi tauk, imi sira fiar kiik?” Hafoin Nia hamriik hodi siak anin ho tasi, no buat hotu sai hakmatek. 27Sira hakfodak hodi dehan: “Ema ne’e se los, nebe anin ho tasi mos halo tuir deit.
Today's Pointers on God's Word
As you read the passage what words, phases or meanings caught your attention?
- · Iha Evangelho ohin nian, Jesus dehan mai ita atu labele lakon ita nia dame wainhira ita hasoru situasaun sira ne’ebé dezafiadu iha ita nia moris.
- · Ita nia fiar metin no konfia ba Jesus ka la’e? Maski Nia la promete katak ita sei la hasoru susar, laran kanek ka terus iha moris, Nia asegura ita katak Nia sei hamutuk ho ita.
- · Ita esperimenta ona ka la’e katak ita sempre depende ba Jesus iha tempu sira ne’ebé ita presiza tulun? Karik la’e, dalaruma ita koko dau-daun atu hala’o ita nia moris ho ita nia kbiit rasik no la permite Maromak Nia Espíritu atu proteje no tau-matan mai ita.