13ª Semana Tempu Komun: Segunda-Feira, loron 1 fulan Julho, 2024 July 1, 2024
Reflection on the WORD
Maluk sira mak Kristu hadomi,
“La’o tuir Jesus – Fiar”:Iha Evangelho ohin nian, Jesus haklaken katak nu’udar Mesias, Nia la iha fatin atu sadere Nia ulun ba; no Jesus dehan, “Tuir Ha’u mai, no husik mate sira hakoi sira-an rasik. Reflete; atu tuir Jesus nu’udar Nia eskolante, ita tenki hakore-an hosi buat hotu no ema sira nebe teri-netik ita atu serbí Jesus ho haraik-an no ho laran tomak. Ita prontu atu sai Jesus Nia eskolante?”
Pe. Philip Heng, S.J.
Mt 8:18-22
18Hare tiha ema lubun boot hale’u Nia, Jesus haruka atu hakat liu ba tasi sorin balun ba. 19Eskriba ida mai hasouru Nia dehan: “Mestre, ha’u sei tuir ala fatin hotu nebe ala.” 20Jesus dehan ba nia; “Laku sira iha kuak, manu sira lalehan nian iha knuuk iha; maibe Oan Mane la iha fatin atu sadere nia ulun.”
21Eskolante ida fali hateten ba Nia: “Na’i, husik ha’u ba uluk lai hakoi ha’u nia aman.” 22Maibe Jesus hatan ba nia: “O mai tuir Ha’u ba; husik mate sira hakoi sira nia mate.”
Today's Pointers on God's Word
As you read the passage what words, phases or meanings caught your attention?
- · Ita hotu hakarak sai Jesus Nia eskolante. Jesus fó hanoin ita katak ita sei sai hanesan Nia iha ne’ebé “Oan Mane la iha fatin atu tau Nia ulun ba.” Nune’e ita tenki prepara-an atu moris ho simplisidade no serbí Maromak Nia reinu ho neon no laran tomak.
- · Ita presiza serbí Maromak ho neon ida de’it no hakore-an hosi família no relasaun sira hotu nian ne’ebé ita valoriza. Maromak mak tenki sai ita nia prioridade uluk no sai sentru ba buat hotu ita halo no ita moris ba.
- · Wainhira ita hili atu moris no serbí ho maneira ida ne’e, Maromak sei haruka mai ita Nia Espíritu no haraik mai ita hotu, grasa sira ita presiza, basá Nia la husik ita mesak. Ita prontu ala’e atu dehan “sim” ba Na’i?