DGEMs

Maluk sira mak Kristu hadomi,

“Pedro no Paulo nia fiar”:iha evangelho ohin nian, wainhira Jesus husu ba nia eskolante sira, “imi hateten Ha’u ne’e se?” Pedro imediatamente hatan, “ita boot mak Kristu, Maromak nia oan.” Reflete; “Pedro no Paulo nia fiar ne’ebé kle’an no fuan boot, ne’ebé lori sira ba sai martírio, ne’ebé funda ho virtudes haraik-an, hanesan Maria. Ita haraik-an iha maneira ne’ebé ita moris iha ita nia fiar sarani nian?

Pe. Philip Heng, S.J.

Pedro nia fiar

            13To’o tiha rai Sesareia Filipe nian, Jesus husu ba nia eskolante sira: “Ema sira dehan Oan Mane ne’e se los?”  14Sira hatan; “Balun dehan katak Nia mak Joao Baptista, seluk katak Elias, seluk fali katak Jeremias ka profeta ruma.” 15Jesus dehan ba sira; “Imi fali? Imi dehan Ha’u se?” 16Simao Pedro simu hodi dehan: “Ita Boot mak Kristu, Maromak moris nia Oan.” 17Jesus hatan ba nia : “Ksolok ba o, Simao, Jonas nia oan, basa la’os isin ka ran mak hatudu buat ne’e ba o, maibe Ha’u nia Aman ne’ebé iha lalehan. 18Ha’u dehan fali ba o, ‘O Pedro, no iha fatuk ne’e nia leten Ha’u sei harii Ha’u nia kreda; infernu nia odamatan sira sei la bele halo buat ida hasouru nia. 19Ha’u sei fo siabe Reinu lalehan nian ba o; buat hotu ne’ebé o futu iha rai, sei futu mos iha lalehan; no buat hotu ne’ebé o kore iha rai, sei kore mos iha lalehan.’” 20Hafoin Nia haruka nia eskolante sira atu la bele dehan ba ema ida katak Nia mak Kristu.