DGEMs

Maluk sira mak Kristu hadomi,

 “ Preokupasaun sira – Fiar”:Iha evangelho ohin nian, Jesus haklaken ba nia eskolante sira, “labele preokupa ho sira nia moris? Haré tok ba manu sira iha lalehan....” Reflete; “ita nia fiar iha Jesus sei sai kle’an liu se ita tau atentsaun ba desafiu sira hanesan ita nia mnoris inseguransa, ambisaun, glória no gratifikasaun.” Ida ne’e akontese tamba normalmente sira iha konfuzaun entre ita nia emosaun no ita nia hanoin ne’ebé la claro, wainhira ita desezu atu hili Maromak nia hakarak.”

Pe. Philip Heng, S.J.

Maromak tau matan

24Ema ida la bele serbi ba na’i ulun rua, basa nia sei rai odi hasouru ida hodi hadomi ida seluk, ka nia sei serbi ida hodi hakribi ida seluk. Imi la bele serbi hamutuk Maromak no osan.” 25“Tan ne'e Ha'u dehan ba imi: keta hanoin resin kona ba imi nia moris, atu han ka hemu sa ida; ka ba imi nia isin lolon, atu hatais sa ida. Moris la folin liu fali hahan no isin lolon liu fali hatais? 26Hare manu sira iha lalehan ba: sira la kuda, la silu batar ka halot iha hoka; no imi nia Aman iha lalehan fo han sira. Imi la folin barak liu fali sira?  27Imi ida ne’ebé mak hodi hanoin barak, bele hanaruk nia isin sasukat ida tan?”

            30Ne'e duni, Maromak fo hatais karik hanesan ne'e ba du’ut rai ninian ne’ebé ohin iha no aban ema sei soe ba ahi, Nia sei la fo hatais liu tan ba imi, ema ne’ebé fiar kiik?”

            31“Ne'e duni, keta laran taridu ba hodi dehan: ‘Ita sei han ka hemu, ka hatais los sa ida? 32Gentiu sira buka buat sira ne'e hotu. Maibe imi nia Aman lalehan hatene katak imi kuran sira ne’e. 33Ne’e duni, buka uluk knanain Maromak nia Reinu ho nia justisa; buat hirak ne’e sei fo tan ba imi. 34Ne'e duni keta hanoin resin kona ba loron aban, basa loron aban sei hanoin nia susar rasik. Ba loron ida, to’o ona nia todan.”