DGEMs

Maluk sira mak Kristu hadomi,

 “ Reza ba Maromak”- Fiar: Iha evangelho ohin nian, Jesus hanorin nia eskolante sira atu reza. Jesus konsentra atu hatudu no ofrese ita nia moris ba Maromak Nia Aman liu husi adora Nia, buka no obedese Nia hakarak ho fíel, no simu Nia perdaun ne’ebé generoza. Reflete; “ita reza duni ho ita nia intensaun tomak? ou ita nia orasaun sira ne’e superfisial de’it no falta de deseju atu adora, buka no moris tuir Aman nia hakarak?

Pe. Philip Heng, S.J.

Harohan oin sa

5“Wainhira imi reza, keta halo hanesan ema laran makerek sira ne’ebé gosta harohan hodi hamriik iha sinagoga sira no iha prasa. Tebes, Ha'u dehan ba imi, sira ne’e simu ona sira nia kolen. 6Maibe, wainhira o harohan, tama iha o nia kuartu laran, taka odamatan hodi harohan sub-subar ba o nia Aman, basa Nia ne’ebé hare buat ne’ebé subar, sei fo o nia kolen. 7Wainhira imi reza, keta ko’alia barak hanesan gentiu sira; sira hanoin katak ho sira nia liafuan bar-barak, Na’i sei rona sira. 8Keta halo hanesan sira basa imi nia Aman hatene buat ne’ebé imi kuran molok imi husu ba Nia. 9Ne'e duni, harohan nune'e ba: ‘Ami Aman iha lalehan, halo Ita naran sai santo. 10Halo Ita nia Reinu to'o mai ami; halo tuir Ita nia hakarak ba iha rai nudar iha lalehan. 11Haraik aihan loron loron nian mai ami. 12Haraik perdua ba ami nia tusan, nudar ami perdua sira ne’ebé iha tusan ho ami. 13Keta husik ami monu ba tentasaun, maibe hasai ami housi buat aat.

            14Basa imi perdua karik ema sira nia sala, imi Aman iha lalehan mos sei perdua imi nia sala sira. 15Maibe imi la perdua karik ema seluk, imi nia Aman mos sei la perdua imi nia sala sira.”