DGEMs

Maluk sira mak Kristu hadomi,

 “Lalehan ou Infernu” – Fiar: iha evangelho ohin nian, Jesus haklaken ba nia eskolante sira katak objetivu importante liu iha moris mak ikus mai ita bele tama ba Maromak nia Reinu ou lae, depois de mate. Reflete; “ ita moris iha tauk nia laran katak ita bele lakon ita nia saúde, ita nia estado de joventude no tenke  hasouru mate? Se  nune’e, ita objetivu final iha moris laos saida mak Jesus haklaken iha evangelho ohin.”

Pe. Philip Heng, S.J.

27“Imi rona ema dehan; ‘O keta sala ho ema nia kaben.’ 28Maibe Ha'u dehan ba imi; ‘Ema ne’ebé hateke ba feto ida hodi kaan nia, nia halo ona sala foer ho nia iha nia laran.’ 29Ne'e duni o nia matan los lori o ba sala karik, losu tiha nia hodi soe ba dook; lakon o nia matan ida diak liu fali monu ba infernu ho o nia isin lolon tomak.”

30“O nia liman los mak lori o ba sala karik, tesi tiha nia hodi soe ba dook; lakon o nia liman ida diak liu fali monu ba infernu laran ho isin lolon tomak. 31Ema uluk dehan tan: ‘Ema ne’ebé soe nia feen, sei fo surat soe malu nian ba nia.’ 32Maibe Ha'u dehan ba imi: ‘Ema ne’ebé soe nia feen, la’os tan sala foer, halo nia feen monu ba adulteriu, no ema ne’ebé hola feto ne’ebé ema soe tiha, nia mos halo adulteriu.’”