DGEMs

Maluk sira mak Kristu hadomi,

 “Bem-aventuranças” – Fiar: Iha evangelho ohin nian, Jesus haklaken “Bem-aventuranças” ba nia eskolante sira. Lia los divino profundo ida ne’e inspira sei ita, se ita iha fiar ne’ebé los iha Jesus, hanesan ita nia salvador. Reflete; “se ita nia moris konsentra de’it iha moris ne’ebé naruk, tauk atu mate no preokupa ho glória-an nian de’it, entuan, presente divinu ba ksolok rohan la’ek nian iha “Bem-aventuranças” sei la forma ita nia deseju fuan nian.

Pe. Philip Heng, S.J.

Liafuan ksolok sira nian.

            1Hare tiha ema lubun boot, Jesus sa'e ba foho ida. Wainhira Nia tur tiha, eskolante sira hakbesik ba Nia. 2Nia hahu hanorin sira hodi dehan: 3“Ksolok ba ema sira ne’ebé kiak iha laran, basa Reinu lalehan sira nian. 4Ksolok ba sira ne’ebé tanis, basa sira sei hetan ksolok; 5ksolok ba sira ne’ebé laran kmaus, basa sira sei simu rai nudar liman rohan. 6Ksolok ba sira ne’ebé hamlaha no hamrook ba justisa, basa sira sei bosu. 7Ksolok ba sira ne’ebé laran luak, basa sira sei hetan laran luak. 8Ksolok ba sira ne’ebé laran mos, basa sira sei hare Maromak. 9Ksolok ba sira ne’ebé harii dame, basa ema sei hanaran sira Maromak oan. 10Ksolok ba sira ne’ebé ema fo terus tan buka justisa, basa Reinu lalehan sira nian. 11Ksolok ba imi wainhira, tamba Ha'u, ema hateten aat imi, duni imi no bobar lia bosok hasouru imi. 12Imi  haksolok ba, foti neon ba, basa imi nia kolen boot liu iha lalehan; basa nune'e mos mak sira duni profeta sira ne’ebé mai uluk liu imi.”