DGEMs

Maluk sira mak Kristu hadomi,

“ Hatene – ho fia ou la ho fiar”: Iha Evangelho ohin nian, ema saduseu sira uza vida no lógika atu buka kompriende sentidu lolos moris kaben nain nian; iha moris rohan la’ek iha lalehan. Reflete; “Ita iha tentasaun atu distorta no halakon Maromak nia lia los no ksolok iha lalehan, husi ita nia justifikasaun ba ita nia prejudicio, arogânsia no apego sira ba sala sira iha mundo ida ne’e?

Pe. Philip Heng, S.J.

Moris hias housi mate

            18Tuir mai, Saduseu balun nebe dehan katak la iha moris hi’as hakbesik Jesus hodi husu Nia, 19“Mestre, Moises hakerek ba ami katak wainhira mane ida nia maun mate hodi husik nia kaben no la husik oan, mane ne’e sei hola feto faluk ne'e atu fo oan ba nia maun. 20Iha maun alin na'in hitu. Ida boot liu hola feto, hafoin nia mate, la hetan oan ida. 21Ida nebe tuir nia hola feto faluk ne’e, maibé nia mos mate, la hetan oan. Nune'e mos ida nebe tuir nia. 22Sira na'in hitu ne’e la hetan oan ida. Ikus mai feto ne'e mos mate. 23Iha moris hi’as, wainhira sira hotu sei moris fali, feto ne'e se los nia kaben, basa sira hotu hola nia?” 24Jesus hatan ba sira, “Imi hanoin sala teb-tebes! Imi la komprende Eskritura sira no Maromak nia kbiit. 25Basa wainhira sira moris hi’as housi mate, sira la hola malu tan; sira sei sai hanesan anju sira iha lalehan. 26Kona ba matebian sira moris hi’as fali, imi la le’e iha Moises nia livru, iha aihun nebe lakan, oin sa Nai Maromak ko’alia ba nia dehan: ‘Ha’u Abraao nia Maromak, Isaac nia Maromak, no Jacob nia Maromak.’ 27Nia la'os ema mate nia Maromak maibé ema moris nian. Imi hanoin sala teb-tebes!”