DGEMs

Maluk sira mak Kristu hadomi,

“Kanten; laiha apego” – Fiar: iha Evangelho ohin nian, Jesus haklaken ba ema nai ulun, eskribas no katuas sira “ai-knanoik ida kona-bá to'os uvas nia na'in” iha ne’ebé ema sira iha ambisaun bele halo sala barak, katak sira hakarak atu oho no estraga Lia-los kona-bá Maromak. Reflete; “Ambisaun, apego no adiksaun bele estraga ita nia familia, fiar, no Maromak nia grasa”.

Pe. Philip Heng, S.J.

Aiknanoik kona ba to'os uvas nia na'in

            1Nia hahu ko’alia ba sira ho aiknanoik sira dehan. “Ema ida halo to'os uvas nian, hale’u nia ho lutu, ke’e kuak atu hanehan uvas no harii torre ida. Tuir mai, nia saran to'os ne'e ba ema fila rai sira, no la'o ba rai seluk. 2Wainhira tempu los to'o ona, nia haruka nia emar ida ba ema fila rai sira atu husu aifuan sira housi to’os. 3Maibé sira kaer emar ne'e, baku nia no haruka nia fila ho liman mamuk. 4Dala ida tan, nia haruka ema seluk ba sira. Nia mos sira baku no trata aat. 5Nia haruka tan ema seluk, maibé sira oho nia no mos ema barak seluk; balun sira baku, balun sira oho. 6Nia iha tan oan mane doben. Nia haruka nia ba sira hodi dehan: ‘Sira sei hamtauk ha’u nia oan.’ 7Maibé ema fila rai sira dehan ba malu, ‘Ida ne'e mak nia limanrohan na'in! Mai, ita oho nia, nune'e nia limanrohan sei monu mai ita.’  8Sira kaer no oho nia, hafoin soe nia ba liur. 9To’os na'in ne'e sei halo sa los? Nia sei mai no halo lakon ema fila rai sira ne'e hodi saran to'os uvas nian ba ema seluk.