DGEMs

Maluk sira mak Kristu hadomi,

“Han kalan Ikus - Eukaristia”: Iha Evangelho ohin nian, Jesus selebra Nia “han kalan ikus” ho nia eskolante sira antes Nia terus no mate iha loron tuir mai. Jesus transforma paun no tua nia isin no ran lolos atu hamoris nia eskolante sira nia fiar, esperansa no domin iha Nia. Reflete; “Jesus hakarak ita atu moris santu husi Nia; atu ita bele moris tuir Aman nia hakarak ho fidelidade ne’ebé boot liu.”

Pe. Philip Heng, S.J.

Jesus halo han hemu Paskua nian ho Nia eskolante sira

            12Iha loron uluk Paun Fermentu La’ek nian, wainhira sira hasa'e buat karan Paskua nian, eskolante sira husu ba Jesus, “Ita hakarak katak ami hadia han hemu Paskua nian iha los nebe?” 16Eskolante sira sai hodi tama ba sidade.  Sira hetan buat hotu nudar Nia dehan ba sira. Sira hadia sasan hotu ba Paskua. 17Wainhira kalan ona, Nia mai ho sira sanulu resin rua. 19Sira hahu neon kraik. Ida-ida husu ba Nia, “Ha’u karik?” 20Jesus hatan ba sira, “Housi na'in sanulu resin rua ne'e, ida nebe tau liman hamutuk ho Ha’u iha bikan. 21Oan Mane sei mate duni, nudar hakerek ona kona ba Nia, maibé susar ba ema nebe tan nia ema saran Oan Mane ne'e. Ema ne'e la moris karik diak liu.”

            22Sira han dau-daun, Jesus kaer paun, fo bensa hodi silu no fo ba Nia eskolante sira dehan: “Simu ba. Ne'e Ha’u nia isin.” 23Tuir mai, Nia foti kalis, fo agradese no fo ba sira. Sira hotu hemu. 24Jesus dehan ba sira, “Ne'e Ha’u nia ran, ran aliansa nian, nebe sei nakfakar tamba ema barak. 25Tebes Ha’u dehan ba imi katak Ha’u sei la hemu tan housi uvas fuan to'o loron nebe Ha’u sei hemu tua foun iha Maromak nia reinu.”