DGEMs

Maluk sira mak Kristu hadomi,

“Maria ninia Vizitasaun ba Isabel” – Fiar: Iha Evangelho ohin, Maria hatan kedas ba Maromak Ninia sujestaun atu vizita Isabel; ne’ebé ko’us iha ninia idade ferik; liu-husi Maromak Ninia intervensaun. Reflete: Ita “justifika” no “adia” ka ita halo aksaun kedas, hanesan Maria, wainhira Espírito Santo inspira ita? Ita-nia emosaun ‘impede’ ita hala’o moris tuir Maromak Ninia hakaran?

Pe. Philip Heng, S.J. 

Iha loron hirak neba Maria hiit an lalais ba foho, ba knua ida iha Juda. To’o tiha Zacarias nia uma, nia kumprimenta Isabél. 

Wainhira Isabél rona Maria nia lia, kosok oan book an iha nia knotak ho ksolok. Nakonu ho Espírito Santo, Isabél koalia ho lia makaas dehan: ‘Ita boot di’ak liu feto hot-hotu! Ita boot nia oan di’ak liu! Be ha’u se los atu ha’u Na’i nia inan hiit an mai ha’u-nia uma? Basá, ita lia kumprimento nian to’o tiha iha ha’u tilun, kosok oan book an ho ksolok iha ha’u knotak. Rahun di’ak ba ida ne’ebé fiar katak lia ne’ebé Na’i hateten sei sai tuir los duni.’ Maria hatan, ‘Ha’u klamar hahí Na’i, ha’u neon haksolok iha Maromak ha’u Maksoin... Maria hela ho Isabél besik fulan tolu, hafoin fila fali ba nia uma.