DGEMs

Maluk sira mak Kristu hadomi,

“Serbisu no Sakrifisiu” – Fiar: Iha Evangelho ohin, Jesus haklaken ba Ninia eskolante sira, “Ema se hakarak sai boot iha imi le’et, sei sai imi-nia hotu nia atan. Basá Oan Mane la mai atu ema serví Nia, maibé atu serví ema no atu saran Nia moris hodi soi ema hotu.” Reflete: “Ita moris no serví ema seluk ba ita-nia glória rasik no proveito ka atu sai hanesan liu Jesus?”

Pe. Philip Heng, S.J.

Sira sa'e dau-daun ba Jerusalem; Tiago no Joao, Zebedeu nia oan sira, hakbesik Jesus dehan, ‘Mestre, ami hakarak katak Ita halo buat ne’ebé ami husu.’ Nia dehan ba sira, ‘Imi hakarak katak Ha’u halo sa los ba imi?’

Sira hatan, ‘Iha Ita-nia glória, halo ami tur, ida iha Ita-nia sorin kuana, ida iha Ita-nia sorin karuk.’ ‘Imi la hatene buat ne’ebé imi husu,’ Jesus dehan ba sira, ‘Imi bele hemu kopu ne’ebé Ha’u sei hemu, eh simu baptismu ne’ebé Ha’u sei simu?’

Sira hatan, ‘Ami bele!’ Jesus dehan ba sira, ‘Kopu ne’ebé Ha’u sei hemu, imi sei hemu duni; no baptismu ne’ebé Ha’u sei simu, imi sei simu duni; maibé tur iha Ha’u-nia sorin kuana eh sorin karuk, Ha’u laiha kbiit atu fó ba imi, maibé buat ne’e ba sira ne’ebé hadia tiha ona.’

Wainhira sira na'in sanulu seluk rona ne'e, sira hirus Tiago no João, maibé Jesus bolu sira hotu hodi dehan ba sira, ‘Imi hatene katak iha gentiu sira le’et, na’i ulun sira ukun ho kbiit, no emboot sira uza sira-nia kbiit ba sira-nia emar sira. Maibé iha imi le’et, la'os hanesan ne'e. Ema se hakarak sai boot iha imi le’et, sei sai imi-nia atan; no ida ne’ebé hakarak sai uluk liu iha imi le’et, nia sei sai imi hotu nia atan; lolos Oan Mane rasik la mai atu ema serví Nia, maibé atu serví ema, no atu saran Nia moris atu soi ema hotu.’