DGEMs

Maluk sira mak Kristu hadomi,

“La-Kesi-An” iha Hala’o Fiar: Iha Evangelho ohin, Jesus senti triste ho foinsa’e ida ne’ebé riku tan nia hakarak ksolok klean liu iha ninia moris; no moris rohan laek nu’udar oferta divina; maibé nia “kesi-an” ba ninia rikusoin iha mundu boot liu ninia domin ba Maromak. Reflete: “Saida mak Maromak hato’o mai ita kona-ba ita-nia “kesi-an” ba sasan mundu nian”? Ita hadomi Maromak klean tebes hodi fahe ita-nia ‘rikusoin’”?

Pe. Philip Heng, S.J.

Wainhira Nia atu la'o ona, ema ida halai hasouru Nia, tuku tur ba rai hodi husu Nia, ‘Mestre di’ak, Ha’u sei halo sa atu bele hetan moris rohan laek?’ Jesus hatan ba nia, ‘Tan sa o dehan Ha’u di’ak? Laiha ema di’ak; Maromak mesak mak di’ak. O hatene ukunfuan sira: keta oho, keta halo adulteriu, keta na’ok, keta foti lia bosok hasouru ema, keta lohi ema, hamtauk o nia aman no inan.’

Nia hatan hodi dehan ba Nia, ‘Mestre, Ha’u moris tuir sira ne'e hotu houri kiik kedas.’ Jesus fihir nia didiak, hadomi nia hodi dehan ba nia, ‘Buat ida de’it mak o sei kuran: ba, fa'an o nia sasan tomak, fahe ba ema kiak sira no o sei hetan rikusoi iha lalehan; hafoin, mai tuir Ha’u.’

Nia neon sala tebes tan liafuan hirak ne'e; nia ba ho neon nakraik, basá nia iha rikusoi barak. Jesus, hateke hale’u, dehan ba Nia eskolante sira, ‘Susar tebes duni ba ema riku sira atu tama iha Maromak nia reinu.’