7a Semana iha Tempu Baibain: Sábadu, loron 25, fulan Maiu, 2024 May 25, 2024
Reflection on the WORD
Maluk sira mak Kristu hadomi,
“Labarik – Fiar”: Iha Evangelho ohin, Jesus haklaken Ninia domin kompaixanadu no atensaun ba labarik. Laiha lei Judaico ne’ebé tau-matan ba sira; no sira vulnerável. Maibé, sira nakloke-an ba Maromak Ninia Lialos. Reflete: “Ita iha Jesus Ninia matan no fuan, atu hare labarik sira ho Ninia domin no kompaixaun? Labarik ida ne’ebé simu domin klean iha família, sei hetan damen iha ninia moris.”
Pe. Philip Heng, S.J.
Mc 10:13-16
Ema lori labarik sira ba atu Nia tau liman ba sira. Maibé eskolante sira si’ak sira. Wainhira Jesus haré sira, Nia hirus hodi dehan ba sira, ‘Husik labarik sira mai hakbesik Ha’u; keta taka dalan ba sira. Lolos, reinu lalehan ba sira ne’ebé hanesan ne'e. Tebes Ha’u dehan ba imi: Ema ne’ebé la simu Maromak nia reinu hanesan labarik oan ida, nia sei la tama iha neba.’ Hafoin, Nia hakoak labarik sira, tau liman ba sira hodi fó bensa ba sira.
Today's Pointers on God's Word
As you read the passage what words, phases or meanings caught your attention?
- · Jesus simu labarik sira hotu no dehan ba Ninia eskolante sira atu lori labarik kiik sira ba Nia. Jesus iha fatin espesial iha Ninia fuan ba labarik sira tanba sira inosente, sensitivu no vulnerável.
- · Dala hira ita haré labarik sira tan halo barulho iha selebrasaun Eukarístika? Inan-aman sira presiza sensitivu ba barulho iha Igreja, ita seluk bele tolerante no domin ba labarik sira.
- · Ita simu labarik sira iha ita-nia Igreja no uma? Husu husi Maromak grasa sira ne’ebé ita presiza atu hadomi labarik sira no forma sira sai labarik di’ak liu tuir Maromak Ninia maneira.