DGEMs

Maluk sira mak Kristu hadomi,

“Eskolante boot liu?” – Fiar: Iha Evangelho ohin, eskolante sira haksesuk malu kona-ba sira ida ne’ebé mak boot liu. Jesus dehan, “Ema se mak hakarak sai boot liu sira seluk nian, nia sei sai ikus liu hotu hodi sai ema hotu nia atan.” Reflete: “Jesus Ninia Liafuan Sabedoria, deskrebe oinsa ita simu konvite atu haraik-an hanesan Nia. Virtude haraik-an mak dalan santu nian atu halo-tuir Maromak Ninia hakaran.”

Pe. Philip Heng, S.J. 

Jesus ho Ninia eskolante sira hakat liu ba Galileia nia sorin. Nia lakohi katak ema hatene ne'e. Tan Nia hanorin dau-daun Nia eskolante sira hodi dehan, ‘Ema sei saran Oan Mane ba ema sira liman, no ema sira ne'e sei oho Nia. Maibé mate tiha, liu tiha loron tolu, Nia sei moris hi’as fali.’ Maibé sira la komprende liu lia hirak ne'e katak sa, no sira tauk atu husu Nia.  

To’o tiha Kafarnaum, Jesus tama iha uma laran no husu Nia eskolante sira, ‘Imi haksesuk malu kona sa los iha dalan?’ Sira nonok de’it basá sira haksesuk malu kona-ba sira ida ne’ebé mak boot liu. Hafoin Jesus tur tiha, bolu sira na'in sanulu resin rua hodi dehan ba sira, ‘Ema se mak hakarak sai boot liu sira seluk nian, nia sei sai ikus liu hotu hodi sai ema hotu nia atan.’