DGEMs

Maluk sira mak Kristu hadomi,

“Espírito Santo – Trindade” – Fiar: Iha Evangelho ohin, Jesus haklaken ba Ninia eskolante sira, “Ha’u sei haruka Ksolok Na’in ida; Espírito Santo; husi  Ha’u Aman.No, imi sei sai Ha’u Sasin ... Nia sei hanorin lialos tomak ba imi.” Reflete: “Ema di’ak ruma halo serbisu di’ak sira. Maibé, komu ita halo di’ak tan ita-nia domin ba Maromak ita-nia Aman; tuir-dalan Jesus nian, iha Espírito, ita krese iha santidade.”

Pe. Philip Heng, S.J.

Jesus dehan ba Ninia eskolante sira, ‘Maibé wainhira Ksolok Na’in mai, ne’ebé Ha’u sei haruka husi Aman, Espírito Lialos nian ne’ebé mai husi Aman, Nia sei fó sasin kona-ba Ha’u; imi mós sei fó sasin, basá houri uluk kedas imi hamutuk ho Ha’u.’

‘Ha’u sei iha tan buat barak atu hateten ba imi, maibé oras ne’e imi labele simu hotu. Wainhira Espírito Lialos nian mai, Nia sei hanorin lialos tomak ba imi; basá Nia sei la koalia hodi nia naran rasik, maibé sei hateten buat ne’ebé Nia rona, hodi fó sai ba imi buat ne’ebé sei mosu aban bainrua. Nia sei fó glória mai Ha’u, basá nia sei simu buat ne’ebé Ha’u nian no sei fó hatene ba imi. Ha’u Aman nia sasan tomak, Ha’u nian mós; tan ne’e mak Ha’u dehan katak Nia simu buat ne’ebé Ha’u nian hodi fó hatene ba imi.’