DGEMs

Maluk sira mak Kristu hadomi,

“O hadomi Ha’u?” – Fiar: Iha Evangelho ohin, Jesus husu Pedro dala tolu, “O hadomi Ha’u?” Depois, haruka nia tau-matan no haburas fiar iha Ninia sarani tan sira fraku no vulneravel. Reflete: “Ita-nia fiar, esperansa, no domin ba Jesus klean atu iha hakaran terus no mate, duke trai Nia? Saida mak Jesus hato’o ba ita loron ohin?”

Pe. Philip Heng, S.J.

Jesus hatudu An ba Ninia eskolante sira, no depois de sira han hotu tiha, Jesus husu ba Simão Pedro, ‘Simão, João nia oan, o hadomi Ha’u liu fali sira ne’e?’ Nia hatan, ‘Tebes, Na’i, Ita hatene katak ha’u hadomi Ita.’ Jesus dehan ba nia, ‘Fó han Ha’u-nia bibi oan sira.’

Dala ida tan Nia husu, ‘Simão, João nia oan, o hadomi Ha’u?’ Pedro hatan, ‘Tebes duni, Na’i, Ita hatene katak ha’u hadomi Ita.’ Jesus dehan ba Nia, ‘Tau matan ba Ha’u-nia bibi sira.’

Ba dala tolu Nia husu, ‘Simão, João nia oan, o hadomi Ha’u?’ Pedro neon sala tan Jesus husu dala tolu ona ba nia ‘O hadomi Ha’u?’ Nia dehan ba Nia, ‘Na’i, Ita hatene buat hotu, Ita hatene katak ha’u hadomi Ita.’ Jesus dehan ba Nia, ‘Fó han Ha’u-nia bibi sira. Dehan tiha lia hirak ne’e, Jesus dehan ba nia, ‘Tuir Ha’u mai.’