DGEMs

Maluk sira mak Kristu hadomi,

“Unidade nu’udar Kristaun” – Fiar: Iha Evangelho ohin, Jesus haklaken, “Aman, Ha’u harohan ba sira hotu ne’ebé fiar iha Ha’u. Atu sira hotu sai ida de’it; ‘perfeitu los iha unidade’ hodi nune’e mundu sei rekonese katak Ita mak haruka Ha’u.” Reflete: “Ita hotu iha tendensia hamosu divizaun iha ita-nia família no komunidade Igreja. Harohan atu iha sabedoria hodi sai Maromak Ninia sasin ne’ebé kari unidade bebeik.”

Pe. Philip Heng, S.J.

Jesus foti matan ba lalehan dehan: ‘Ha’u la harohan de’it ba sira ne’e, maibé mós ba sira ne’ebé sei fiar iha Ha’u tan sira ne’e nia liafuan; atu sira hotu sai ida de’it nu’udar Ita, Aman, horik iha Ha’u, no Ha’u iha Ita; atu sira mós hela iha Ita Na’in rua, nune’e mundu bele fiar katak Ita mak haruka Ha’u mai. Ha’u fó ona ba sira glória ne’ebé Ita fó mai Ha’u, atu sira sai ida de’it, nu’udar Ita Na’in rua ida de’it. Ha’u iha sira, no Ita iha Ha’u; atu sira laran ida de’it teb-tebes, nune’e mak mundu sei hatene katak Ita mak haruka Ha’u mai, no mós katak Ita hadomi sira nu’udar Ita hadomi Ha’u.’

‘Aman, Ha’u hakarak katak sira mós ne’ebé Ita fó mai Ha’u, hela hamutuk ho Ha’u iha fatin ne’ebé Ha’u hela; atu sira bele haré Ha’u-nia glória ne’ebé Ita fó tiha mai Ha’u tan Ita hadomi Ha’u molok mundu hahú.’