DGEMs

Maluk sira mak Kristu hadomi,

“Hadomi malu” – Fiar: Iha Evangelho ohin, Jesus haklaken ba Ninia eskolante sira, “Ha’u-nia Ukunfuan ba imi mak imi hadomi malu nu’udar Ha’u hadomi tiha imi.” Reflete: “Jesus konvida ita atu hadomi lolos no servi sein sura. Domin lolos nune’e mak imposivel tebes tan ita hotu sala-nain. Maibé, ne’e posivel ho Maromak Ninia grasa. Ita hakarak sai hanesan Jesus?

Pe. Philip Heng, S.J.

Jesus dehan ba Ninia eskolante sira: ‘Nu’udar Aman hadomi Ha’u, nune’e mós Ha’u hadomi imi. Hela iha Ha’u-nia domin ba. Imi halo tuir Ha’u-nia ukunfuan sira karik, imi sei hela iha Ha’u-nia domin; nu’udar Ha’u mós halo tuir Ha’u Aman nia ukunfuan sira no hela iha Nia domin. Ha’u dehan sai lia hirak ne’e ba imi atu Ha’u-nia ksolok hela iha imi no imi-nia ksolok sai lolos. Ha’u-nia ukunfuan mak ida ne’e: imi hadomi malu nu’udar Ha’u hadomi tiha imi. Ema ida labele hadomi liu fali ema ne’ebé saran nia moris tan nia belun sira. Imi Ha’u-nia belun sira wainhira imi halo tuir buat ne’ebé Ha’u haruka ba imi.’

‘Ha’u la bolu ona imi atan, basá atan la hatene nia na’in halo sa; maibé Ha’u bolu imi belun, tan Ha’u fó hatene ona ba imi lia hotu ne’ebé Ha’u rona housi Aman. La’os imi mak fihir Ha’u, maibé Ha’u mak fihir imi, hodi haruka imi ba atu ba fó fuan, no imi nia fuan hela ba nafatin, nune’e buat hotu ne’ebé imi husu ba Aman hodi Ha’u naran, Nia sei haraik ba imi. Ha’u haruka imi: hadomi malu.’