DGEMs

Maluk sira mak Kristu hadomi,

“Ksolok husi Hadomi Jesus ho Ninia Aman”: Iha Evangelho ohin, Jesus haklaken ba Ninia eskolante sira, “Imi husu buat naran de’it husi Aman, Nia sei haraik iha Ha’u-nia Naran, no imi-nia ksolok sei sai lo-los...Nu’udar Aman hadomi imi tan imi hadomi Ha’u.” Reflete: “Wainhira ita hadomi Jesus, ita hadomi Ninia Aman, iha Espírito Santo, no ita-nia ksolok sei sai klean, pessoal no rohan laek. Oinsa ita esperiensia grasa ida ne’e?”

Pe. Philip Heng, S.J.

Jesus dehan ba Ninia eskolante sira: ‘Tebes, tebes, Ha’u dehan ba imi, imi husu buat naran de’it ba Aman, Nia sei haraik ba imi hodi Ha’u-nia naran. To’o ohin imi la dauk husu buat ida hodi Ha’u-nia naran. Husu ba; imi sei simu, atu imi-nia ksolok sei sai lolos. Ha’u hateten ona buat hirak ne’e ba imi ho aiknanoik sira, oras sei mai wainhira Ha’u sei la koalia tan ho aiknanoik sira, maibé Ha’u sei hateten mo-mos ba imi kona-ba Aman.’

‘Iha loron neba, imi sei husu hodi Ha’u-nia naran; no Ha’u la dehan katak Ha’u sei husu ba Aman tamba imi, basá Aman rasik hadomi imi, tamba imi hadomi tiha Ha’u hodi fiar katak Ha’u mai husi Aman. Ha’u mai husi Aman hodi mai iha mundu; Ha’u atu husik fali mundu hodi fila ba Aman.’