DGEMs

Maluk sira mak Kristu hadomi,

“Santidade iha Sofrimentu ba Kristu”: Iha Evangelho ohin, Jesus haklaken ba Ninia eskolante sira, “Imi sei laran susar, maibé imi-nia laran susar sei nakfilak ba ksolok...Ha’u sei haré fali imi; no imi-nia fuan sei nakonu ho haksolok; ne’ebé ema ida labele hasai husi imi. Reflete: “Harohan ba grasa atu ultrapassa aflisaun no sofrimentu iha hala’o ita-nia fiar. Halibur hamutuk ho Jesus Ninia sofrimentu no Kruz, no depois esperiensia Ksolok husi Ninia moris hias.”

Pe. Philip Heng, S.J.

Jesus dehan ba Ninia eskolante sira: ‘Tebes, tebes, Ha’u dehan ba imi katak imi sei tanis no laran susar, maibé mundu sei haksolok; imi sei sai neon sala, maibé imi nia neon sala sei nakfila ba ksolok.’

‘Wainhira feto ida atu tur ahi, nia neon sala basá nia oras to’o ona; maibé, tur ahi hotu tiha, nia haluha ona nia terus hodi haksolok tamba ema ida moris ona ba mundu. Nune’e mós, oras ne’e imi neon sala; maibé Ha’u sei haré fali imi, no imi nia fuan sei haksolok, no ema ida labele hasai husi imi ksolok ne’ebé imi hetan. Iha loron ne’e, imi sei la husu Ha’u buat ida tan.’