DGEMs

Maluk sira mak Kristu hadomi,

“Espírito Santo – Lialos Divinu” – Fiar: Iha Evangelho ohiin, Jesus haklaken ba Ninia eskolante sira katak Nia sei haruka “Ksolok Na’in”. Ne’e mak Espírito Santo ne’ebé sei kontinua guia, fó-naroman, inspira, no hakbiit sira; hodi sai-sasin ba Ninia Evangelho Salvasaun. Reflete: “Ita sai-sasin fiar ne’ebé hakaas an atu tetu Maromak Ninia hakaran lorloron; no luta kontra espírito aat ninia tentasaun no bosok?”

Pe. Philip Heng, S.J.

Jesus dehan ba Ninia eskolante sira: ‘Ha’u atu ba ona ba Ida ne’ebé haruka Ha’u mai, no imi ida la husu Ha’u: ‘Ita ba ne’ebé?’ Maibé, tan Ha’u dehan buat hirak ne’e ba imi mak imi neon sala. Maibé Ha’u dehan lialos ba imi: di’ak liu ba imi katak Ha’u ba, basá Ha’u la ba karik, Ksolok Na’in sei la mai iha imi; maibé Ha’u ba karik, Ha’u sei haruka Nia ba imi.’

‘No wainhira Nia mai, Nia sei hatudu ba mundu kona-ba sala, kona-ba moris los no kona-ba tesi lia. Kona-ba sala, tan sira la fiar Ha’u; kona-ba moris los, basá Ha’u ba Ha’u Aman no imi sei la hare Ha’u ona; kona-ba tesi lia, tamba sei tesi lia ona hasoru ukun na’in mundu ne’e nian.’