DGEMs

Maluk sira mak Kristu hadomi,

“Jesus Ninia Uniaun ho Ninia Aman” – Fiar: Iha Evangelho ohin, Jesus dehan, “Ema ruma ne’ebé haré Ha’u haré Aman ... Nu’udar Ha’u iha Aman; no Aman iha Ha’u.” Reflete: “Ita-nia fiar Crista konese Maromak nu’udar Aman, ita-nia Kriador, pessoalmente. Ninia domin mai ita mak mizerikordiozu no kompaixanadu. Valoriza Jesus Ninia Evangelho klean tebes; no simu Aman Ninia domin.”

Pe. Philip Heng, S.J.

Jesus dehan: “Ha’u ne’e dalan, lialos no moris. Ema ida la liu karik husi Ha’u, nia labele hakbesik Ha’u Aman. Imi hatene ona Ha’u karik, imi hatene ona mós Ha’u Aman. Houri ohin ba oin, imi hatene ona Nia no haré ona Nia.”

Filipe husu ba Nia: “Na’i, hatudu Aman mai ami; ne’e to’o ona mai ami.” Jesus dehan ba nia: “Ha’u hela kleur ona ho imi, Filipe, no imi seidauk hatene Ha’u? Ema ne’ebé haré ona Ha’u, haré ona mós Ha’u Aman. Nusa mak o dehan: ‘Hatudu Aman mai ami?'

O la fiar katak Ha’u hela iha Aman no Aman hela iha Ha’u? Liafuan hirak ne’ebé Ha’u dehan ba imi, Ha’u la dehan hodi Ha’u an rasik. Ha’u Aman ne’ebé hela iha Ha’u mak halo Nia hahalok. Fiar Ha’u katak Ha’u hela iha Aman, no Aman helaiha Ha’u. La’e karik, fiar tamba hahalok hirak ne’e. Tebes, tebes, Ha’u dehan ba imi: ema ne’ebé fiar iha Ha’u sei halo mós hahalok sira ne’ebé Ha’u halo; nia sei halo hahalok boot liu fali hirak ne’e, tan Ha’u atu la’o ba Aman. Buat naran de’it ne’ebé imi husu hodi Ha’u-nia naran, Ha’u sei halo, atu Aman hetan glória iha Oan Mane; imi husu karik buat ida hodi Ha’u-nia naran, Ha’u sei halo.”