DGEMs

Maluk sira mak Kristu hadomi,

“Jesus Roman Lolos” – Fiar: Iha Evangelho ohin, Jesus haklaken katak, “Ha’u mak Roman ne’ebé mai iha mundu. Ema ne’ebé fiar iha Ha’u la hela tan iha nakukun nia laran. Reflete: Ema barak hili mundu ninia glória, prazer, no osan-mean. ‘Tentasaun sira’ nune’e husi espíritu ‘nakukun’ dirije ita ba ita-nia fantasia no “vida falsa”?

Pe. Philip Heng, S.J.

Jesus dehan ba ema lubun boot, “Ema ne’ebé fiar iha Ha’u, la fiar iha Ha’u maibé iha Ida ne’ebé haruka Ha’u mai. No ema ne’ebé haré Ha’u, haré Ida ne’ebé haruka Ha’u mai. Ha’u mai iha mundu nu’udar naroman atu ema ne’ebé fiar iha Ha’u la hela iha nakukun laran. 

‘Ema ida rona karik Ha’u nia liafuan maibé la halo tuir nia, Ha’u la tesi lia hasoru nia; basá Ha’u la mai atu tesi lia hasoru mundu, maibé atu soi mundu. Ema ne’ebé hakribit Ha’u hodi la simu Ha’u-nia liafuan, nia iha ona ida ne’ebé tesi lia hasoru nia: liafuan ne’ebé Ha’u dehan mak sei tesi lia hasoru nia iha loron ikus.’

‘Basá Ha’u la kolia hodi Ha’u-nia An rasik; maibé Aman ne’eb’e haruka Ha’u mai, Nia mak haruka Ha’u atu hateten sa los, no atu dehan sa. No Ha’u hatene katak Nia ukunfuan mak moris rohan la’ek. Ne’e duni, ha’u kolia nu’udar Aman haruka Ha’u, nune’e mak Ha’u kolia.’