DGEMs

Maluk sira mak Kristu hadomi,

“Fiar iha Jesus, Messias”: Iha Evangelho ohin, Jesus haklaken katak Nia no Maromak Aman ida de’it, no Nia mak Maromak Oan. Maibé, ema barak seidauk fiar Nia. Reflete: Fiar Jesus mak prezente divinu. Maibé, fiar-nain barak sei rejeita atu krese iha Jesus Ninia Lialos no domin. Tanba ita-nia foti-an, ita hanoin ita bele depende ba ita-nia an tomak.”

Pe. Philip Heng, S.J.

Iha Jerusalem sira hala’o dadaun Festa Dedikasaun templu nian iha tempu malirin. Iha templu, Jesus la’o iha portico Salomão nian. Judeu sira haleu Nia hodi husu: ‘To’o wainhira O sei husik ami iha nakukun laran? O mak Messias karik, hateten los kedas mai ami.’

Jesus hatan ba sira: ‘Ha’u hateten ona ba imi, maibé imi la fiar. Hahalok sira ne’ebé Ha’u halo hodi Ha’u Aman nia naran fó sasin kona-ba Ha’u, maibé imi la fiar, basá sira la’os Ha’u-nia bibi sira. Ha’u-nia bibi sira rona Ha’u-nia lia; Ha’u hatene sira, no sira tuir Ha’u. Ha’u fó ba sira moris rohan la’ek. Sira la lakon ba nafatin, no ema ida sei la hadau sira husi Ha’u-nia liman. Ha’u Aman, ne’ebé fó sira mai Ha’u, Nia boot liu hotu; no ema ida labele hadau sira husi Aman nia liman. Aman no Ha’u ida de’it.’