DGEMs

Maluk sira mak Kristu hadomi,

“Protesaun husi Bibi Atan di’ak” – Fiar: Iha Evangelho ohin, Jesus haklaken katak, nu’udar ‘Bibi Atan di’ak’, Nia pesoalmente proteje kada bibi ho domin no kuidadu. Se ita hadomi Nia, ita sei simu satisfasaun klean iha moris. Reflete: “Ho Jesus, ita sei ganha buat hotu-hotu, wainhira ita mate. Vida sei iha ‘nakukun’ tomak sein Jesus ninia Domin Salvifiku.”

Pe. Philip Heng, S.J.

Jesus dehan: ‘Tebes, tebes, Ha’u dehan ba imi: ida ne’ebé la tama ba bibi luhan husi odomatan maibé tama husi fatin seluk, ema ne’e na’okten ida no buka de’it atu han. Maibé ida ne’ebé tama husi odomatan, nia mak bibi atan. Ida ne’ebé hein odomatan loke ba nia; bibi sira rona nia lia, nia bolu bibi sira hodi sira nia naran, no lori sira ba liur. Hasai tiha nia bibi sira hotu, nia la’o uluk; bibi sira tuir nia, tan sira hatene nia lia. Maibé bibi la tuir ema leet ida; sira halai husi nia, tan sira la hatene ema ne’e nia lia.’

‘Ha’u mak odomatan. Ida ne’ebé liu husi Ha’u sei hetan maksoin; nia sei tama no sai hodi hetan du’ut matak. Naokten mai atu na’ok, atu oho, atu harahun de’it. Ha’u mai atu ema hetan moris, hodi hetan moris ne’e wain liu tan.’