DGEMs

Maluk sira mak Kristu hadomi,

“Bibi atan di’ak” – Fiar: Iha Evangelho ohin, Jesus haklaken Ninia An nu’udar ‘Bibi Atan di’ak’ ne’ebé koinese Ninia bibi sira pesoalmente, no saran Ninia An ba bibi sira. Bibi sira rona Ninia lian. Reflete: ‘Iha ita-nia rona Jesus Ninia lian, ita hakarak halo sakrifisiu, generozu, no altruísta iha ita-nia tulun Ninia bibi sira, no sira ne’ebé seidauk koinese Nia?

Pe. Philip Heng, S.J.

Jesus dehan: ‘Ha’u mak bibi atan di’ak. Bibi atan di’ak saran nia moris ba nia bibi sira. Maibé ema ne’ebé la’os bibi atan tan nia la’os bibi nain, haré tiha asu fuik mai, nia halai hodi soe bibi sira, ne’ebé asu fuik kaer hodi halo namkari. Tan nia ema kontratu na’in, la hanoin bibi sira.

Ha’u mak bibi atan di’ak; Ha’u hatene Ha’u-nia bibi sira, no Ha’u-nia bibi sira hatene Ha’u. Nu’udar Aman hatene Ha’u, nune’e mós Ha’u hatene Aman; no Ha’u saran Ha’u-nia moris ba Ha’u-nia bibi sira. Ha’u iha tan bibi seluk ne’ebé seidauk tama iha bibi luhan ida ne’e. Ha’u sei dada mós sira mai. Sira sei rona Ha’u-nia lian, no sei iha bibi luhan ida de’it ho bibi atan ida de’it.